Թիլերսոնը Թուրքիա այցի ընթացքում մտադիր է Աֆրինի իրավիճակը քննարկել

ԱՄՆ պետքարտուղար Ռեքս Թիլերսոնը Թուրքիա այցի ընթացքում մտադիր է քննարկել Սիրիայի Աֆրին քաղաքի իրավիճակը: Այդ մասին, ինչպես հաղորդում է «ՌԻԱ Նովոստին», հայտարարել է ԱՄՆ պետդեպարտամենտի պաշտոնական ներկայացուցիչը:

ԱՄՆ դիվանագիտության ղեկավարը հաջորդ շաբաթ տարածաշրջանում ուղեւորության ժամանակ Անկարա կայցելի: Նա նաեւ կայցելի Հորդանան, Լիբանան, Եգիպտոս եւ Քուվեյթ:

Անկարայում պետքարտուղարը նախատեսում է երկկողմ հարաբերությունների համար բարդ հարցեր բարձրացնել, ինչպես նաեւ քննարկել տարածաշրջանային խնդիրները, մասնավորապես՝«Իսլամական պետություն» ահաբեկչական խմբավորման ոչնչացումը եւ Աֆրինում տիրող իրավիճակը», -հեռախոսային ճեպազրույցի ժամանակ ասել է պետդեպարտամենտի ներկայացուցիչը:

Նրա խոսքով՝ ԱՄՆ-ն կոչ է անում Թուրքիային սահմանափակել իր գործողությունները Աֆրինում եւ Սիրիայի սահմանի երկայնքով:

«Իհարկե, մենք պետք է աշխատենք Թուրքիայի հետ` պարզելու, թե որոնք են նրա երկարաժամկետ մտադրությունները», - ասել է նա:

Գերատեսոչության ներկայացուցիչը հավելել է, որ «դա շատ բարդ քննարկում է լինելու, քանի որ Թուրքիան այդ հարցում կոշտ դիրքորոշում ունի»: Նրա խոսքով՝ «շփման ոլորտները բացահայտելու համար պետք է անցկացվեն անձնական հանդիպումներ»:

Թուրքիայի Զինված ուժերի գլխավոր շտաբը հունվարի 20-ին հայտարարել էր Սիրիայի Աֆրինում քրդերի կազմավորումների դեմ «Ձիթենու ճյուղ» գործողության սկիզբի մասին:

news.am

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով