ՌԴ ԿԸՀ-ն Պուտինին նախագահի թեկնածու է գրանցել

Ռուսաստանի Դաշնության կենտրոնական ընտրական հանձնաժողովը Վլադիմիր Պուտինին մարտին կայանալիք նախագահական ընտրությունների թեկնածու է գրանցել, հայտնում է «ՌԻԱ Նովոստի»-ն:

Թեկնածուի վկայականը հանձնվել է Պուտինի վստահված անձ Սերգեյ Կաբիշևին, որը խոստացել է այսօր փաստաթուղթը հանձնել Պուտինին:

Հաղորդվում է, որ ԿԸՀ է փոխանցվել մոտ 315 հազար ստորագրություն:

ՌԴ ներկայիս նախագահն ընտրություններին մասնակցում է որպես ինքնառաջադրված թեկնածու: Գրանցման համար նրան անհրաժեշտ էր հավաքել առնվազն 300 հազար ստորագրություն:

Ընդհանուր առմամբ, հավաքվել է Պուտինի աջակցության ավելի քան 1,6 միլիոն ստորագրություն:

ՌԴ նախագահական ընտրությունները կայանալու են մարտի 18-ին: ԿԸՀ-ն ավելի վաղ արդեն գրանցել է երկու թեկնածուի՝ Ռուսաստանի լիբերալ-դեմոկրատական կուսակցության առաջնորդ Վլադիմիր Ժիրինովսկիին և Ռուսաստանի Դաշնության կոմունիստական կուսակցությունից անկուսակցական առաջադրված Պավել Գրուդինինին: Եվս հինգ թեկնածուներ՝ Քսենիա Սոբչակը, Մաքսիմ Սուրայկինը, Գրիգոր Յավլինսկին, Սերգեյ Բաբուրինը և Բորիս Տիտովը սպասում են գրանցման:

Այս թեմայով Ռուս ընդդիմադիր գործիչ Ալեքսեյ Նավալնին բանտում մահացել է Սիրիայում ՌԴ–ի հետ հակասությունը C-400–ների վրա չի ազդի Ռուսաստանը Թուրքիային կոչ է անում խստորեն կատարել Իդլիբի վերաբերյալ Սոչիի համաձայնագիրը․ Լավրով Ռուսաստանի հետ համատեղ հերթապահությունը կսկսվի մոտ ժամանակներս.Թուրքիայի պաշտպանության նախարար ՌԴ ՊՆ-ն ցուցադրել է «Օխոտնիկ» նորագույն անօդաչուի առաջին թռիչքը (տեսանյութ)