ԱՄՆ-ն մտադիր չէ հրաժարվել միջուկային զենքից, չնայած չի ուզում կիրառել այն

ԱՄՆ-ն մտադիր չէ հրաժարվել միջուկային զենքից։ Հատկապես Ռուսաստանի կողմից նրա միջուկային պոտենցիալի արդիականացման պայմաններում։ Այս մասին հայտնել են Պենտագոնի ներկայացուցիչները ճեպազրույցի ժամանակ՝ հրապարակելով ԱՄՆ նոր միջուկային հայեցակարգը, փոխանցում է ՏԱՍՍ-ը։

«ՄԻջուկային զենքը խաղում ու հետագայում էլ խաղալու է վճռորոշ դեր միջուկային հարձակումը զսպելու ու տեսանելի ապագայում միջուկային տերությունների միջեւ սովորական սպառազինությունների կիրառումով լայնածավալ ռազմական գործողությունների կանխման գործում»,- նշել է Պենտագոնի ղեկավար Ջեյմս Մեթիսը փաստաթղթի նախաբանում։

Նրա խոսքով՝ «ոչ մի ամերիկացի նախագահ չի ենթադրում միջուկային զենքի կիրառում, բացառապես մեր կենսական կարեւորության շահերն ու դաշնակիցների շահերը պաշտպանելու ծայրահեղ անհրաժեշտության դեպքերի»։ «Մեր նպատակն է համոզել հակառակորդներին, որ նրանք ոչինչ ձեռք չեն բերի ու ամեն ինչ կկորցնեն միջուկային զենքի գործածման դեպքում»,- հավելել է Մեթիսը։

NEWS.am

Այս թեմայով Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal ԱՄՆ-ն հետաքրքրված է, որ արաբական երկրները ծածկեն Իրանի դեմ պատերազմի ծախսերը ԱՄՆ վիզաների համակարգը պաշտպանված է խիստ ստուգումների շնորհիվ․ դեսպանություն Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա Մերձավոր Արևելքում ԱՄՆ մի շարք դեսպանատներ ժամանակավորապես փակվել են