Գերմանիան պատրաստվում է ռեկորդային թվով ներգաղթյալ արտաքսել երկրից 2017թ.

Գերմանիան անցած տարվա ընթացքում երկրից արտաքսել է ռեկորդային ցուցանիշով` 80 000 ներգաղթյալ, ում ապաստան ստանալու դիմումը մերժվել էր: Ինչպես հայտնում է Reuters գործակալությունը, վկայակոչելով բարձրաստիճան պաշտոնյային, այդ թիվն էլ ավելի կաճի 2017 թվականին, քանի որ կանցլեր Անգելա Մերկելը փորձում է վերադարձնել պահպանողական ընտրողների աջակցությունը մինչև սեպտեմբերին նախատեսված ընտրությունները:

Մերկելի աշխատակազմի ղեկավար Պիտեր Ալտմայերը հայտնել է Bild am Sonntag թերթին, որ 2016 թվականին 700 000 ապաստանի դիմումների մոտ կեսը մերժվել է:

2015 թվականին փախստականների համար Գերմանիայի սահմանները բացելու Մերկելի որոշումից դժգոհ պահպանողականներին հանդարտեցնելու համար Մերկելի Քրիստոնյա-դեմոկրատական կուսակցության առաջնորդները կոչ են անում մերժում ստացած ավելի շատ ներգաղթյալների և հանցագործություններ գործած օտարերկրացիների արտաքսել:

Գերմանիան վերջին 18 ամիսներին ընդունել է ավելի քան մեկ միլիոն ներգաղթյալ, ովքեր հիմնականում են փախչում են Սիրիայից, Իրաքից և Աֆղանստանից: Շատ ներգաղթյալների, որոնց դիմումները մերժվել են, այնուամենայնիվ թույլ է տրվում ժամանակավորապես մնալ երկրում, մի քաղաքականություն, որը պահպանողականները ցանկանում են վերացնել:

«Մենք անցած տարի տուն ենք ուղարկել 80 000 ներգաղթյալի, որոնց ապաստանի դիմումները մերժվել են, դա ռեկորդ է,- ասել է Ալթմայերը,-և թիվը էլ ավելի կաճի: 2016 թվականին գրանցվել է մոտ 700 000 ապաստանի դիմում և մոտ 300 000-ը մերժվել է: Մենք այս մարդկանց արագ տուն կուղարկենք, քանի որ եթե չանենք, դա կվնասի մեր հեղինակությանը՝ որպես օրենքի գերակայության վրա հիմնված պետություն»:

tert.am