Սոֆյա ռոբոտը խափանվել է Ուկրաինայում կոռուպցիան ինչպես հաղթել հարցից հետո

Մարդանման Սոֆյա ռոբոտի արհեստական ինտելեկտը խափանվել է՝ Ուկրաինայում կոռուպցիայի հետ ինչպես վարվել հարցից հետո: Ինչպես նշել է Գերագույն ռադայի պատգամավոր Ալյոնա Շկրումը, մեքենայի աշխատանքում խափանում է եղել, եւ Սոֆյան այդպես էլ չի կարողացել պատասխանել այս հարցին:

«Աշխարհում ամենազարգացած Սոֆյա ռոբոտի մոտ «Ուկրաինայում կոռուպցիայի հետ ինչպես վարվել» հարցից հետո խափանվել է սքրիփթը եւ պրոցեսորը կախվել է»,- Facebook-ի իր էջում գրել է պատգամավորը՝ նշելով, որ դա կարող է հաստատել մեկ այլ ուկրաինացի պատգամավոր Ալեքսեյ Մուշակը:

Նշենք, որ Ուկրաինայի ներկայացուցիչների խոսքով, դեպքը տեղի է ունեցել շվեյցարական Դավոսում Ուկրաինական տանը, որտեղ ընթանում է Համաշխարհային տնտեսական համաժողովը: Ավելի վաղ համաժողովի շրջանակում Սոֆյայի հետ «շփվել» էր հաջողվել Խնայբանկի ղեկավար Գերման Գրեֆտին: Սոֆյան կատակել էր ռոբոտների մասին տարածված կարծրատիպերի վերաբերյալ, ինչպես նաեւ համաձայնվել էր Գրեֆտի հետ հայտնվել դահուկներով:

Հիշեցնենք, որ Սոֆյա ռոբոտը ստեղծել է Hanson Robotics ընկերությունը 2016 թվականին: Ռոբոտի հիմնական հմտությունը մարդու հետ զրույց վարելու ունակությունն է: Ըստ որում՝ Սոֆյան կարող է իր զրուցակիցներին ճանաչել եւ զգացմունքներ ցուցադրել, դրանց ավելի քան 60 տարբերակ է դրված ծրագրային կոդում: Դրանից բացի, Սոֆյան նույնիսկ հումորի զգացում ունի, իհարկե՝ բավական յուրատեսակ: