Պուտինը եւ Էրդողանը քննարկել են Աֆրինի իրավիճակը

Ռուսաստանի եւ Թուրքիայի նախագահներ Վլադիմիր Պուտինը եւ Ռեջեփ Թայիփ Էրդողանը հեռախոսով Սիրիայում տիրող իրավիճակն են քննարկել, այդ թվում նաեւ Աֆրինի տարածքում, որտեղ թուրքական զինված ուժերը գործողություն են իրականացնում: Այս մասին հայտնում է Կրեմլի մամուլի ծառայությունը:

«Ռուսաստանի Դաշնության Նախագահ Վլադիմիր Պուտինի եւ Թուրքիայի Հանրապետության նախագահ Ռեջեփ Թայիփ Էրդողանի միջեւ տեղի է ունեցել հեռախոսազրույց: Պետությունների ղեկավարները մտքեր են փոխանակել Սիրիայի իրավիճակի վերաբերյալ, այդ թվում Աֆրինում Թուրքիայի ռազմական գործողությունների կապակցությամբ:

Երկուստեք կարեւորվել է ճգնաժամի լուծման գործում ակտիվ համատեղ աշխատանքը շարունակելու կարեւորությունը, որը պետք է հիմնված լինի տարածքային ամբողջականության պահպանման սկզբունքների եւ Սիրիայի ինքնիշխանության հարգանքի վրա», - ասվում է հաղորդագրությունում:

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին