Ռուսաստանում Թեհմինե Հարությունյանն անվճար հաց է բաժանում թոշակառուներին
Ռուսաստանում Թեհմինե Հարությունյանն անվճար հաց է բաժանում Իսսա գյուղի թոշակառուներին։ ԻՆչպես գրում է Pravda-News.ru-ն, Հարությունյանների ընտանիքն այդ գյուղում ապրում է արդեն 23 տարի։
«Ես այստեղ 3-րդ դասարան եմ գնացել, սկզբում շատ դժվար էր։ Ռուսերեն գրեթե չգիտեի, հայրենիքում հայկական դպրոցում եմ սովորել։ Իսկ հետո, ոչինչ, սովորեցի»,- պատմում է Թեհմինեն։
Առաջինը Վանաձորից սեզոնային աշխատանքի է եկել նրա հայրը՝ Նշան Հարությունյանը, որն աշխատել է մի քանի երկրամասերում, այդ թվում՝ Կրասնոդարում։
Հարությունյաններն արագ են հարմարվել Իսսա գյուղին, 2000 թվականին խանութ են բացել, ընտանեկան բիզնեսում ներգրավել նաեւ ընտանիքի փոքր անդամներին։ 9 տարի անց Նշանը խանութի ղեկավարումը հանձնել է դստերը, որը ծանոթացել է գյուղի բոլոր բնակիչներին։ Մի օր խանութ է մտել նիհար ու վատ հագնված մի կին, իսկ հետեւից՝ նրա հարբած որդյակը, որը մորից օղի էր պահանջում։ Կինը ստիպված գնել է օղու փոքր շիշը։ «Ես չէի կարող դատապարտել կնոջը, պարզապես շատ ափսոսացի»,- ասում է Թեհմինեն։ Խորհրդակցելով եղբոր հետ՝ նա որոշել է օգնել գյուղի աղքատներին։ Գտել է առաքիչի, որը հացը ինքնարժեքով էր տալիս, եւ ամեն կիրակի մոտ 100 բոքոն է բաժանում։ Այժմ էլ նա մտածում է ամիսը գոնե մեկ անգամ կարիքավորներին սնունդ բաժանի՝ ձավարեղեն, մակարոն, շաքար, քաղցրեղեն։
ԿԸՀ-ն իր ձեւով քննարկելու է «Մեր ձեւովի» հարցը
ՀՀ նախկին ոստիկանապետ Վլադիմիր Գասպարյանի առանձնատանը կից ապօրինի շինությունները ևս քանդվել են․ դատա...
Մի շարք հասցեներում լույս չի լինի
Միայն այն, որ ես 73 տարեկան եմ, չի նշանակում, որ ես պետք է դադարեմ սեքսով զբաղվել
Հնդկաստանի 1.4 միլիարդ բնակչության անունից խորին երախտագիտություն եմ հայտնում նախագահ Թրամփին. Մոդի
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
Հայաստանի դպրոցների ավելի քան 80 տոկոսում նախատեսվում է ներդնել ԱԲ կրթական մոդուլներ
Ովքեր են Ալեն Սիմոնյանի հետ մեկնում Մոսկվա
Պոլիտեխնիկի նախակրթարանում իրականացվում են բարեկարգման և արդիականացման աշխատանքներ
Երևանի քաղաքապետարանը հայտարարում է «Մաքուր Երևան» ստեղծագործական մրցույթի մեկնարկը