Փոքրիկ արքայադուստր Շառլոթն առաջին անգամ մանկապարտեզ է գնացել (լուսանկարներ)

Մեծ Բրիտանիայի թագավորական ընտանիքի ամենակրտսեր անդամը՝ 2-ամյա արքայադուստր Շառլոթը, առաջին անգամ մանկապարտեզ է հաճախել:

Ինչպես նշում է BBC-ն, նախքան մանկապարտեզ գնալը փոքրիկի մայրը՝ Քեմբրիջի դքսուհի Քեյթ Միդլթոնը, դստերը լուսանկարել է Քենսինգտոնյան պալատի աստիճաններին:

Աղբյուրը մանրամասնում է, որ բրիտանական գահի ժառանգորդների թվում 4-րդը համարվող արքայադուստրը հաճախում է Ուիլքոքս մանկապարտեզ, որտեղ օրվա առաջին կեսն անցկացնելու վարձը մի կիսամյակի համար 3.000, իսկ օրվա 2-րդ կեսը մնալու համար՝ 1.800 ֆունտ ստերլինգ է:

Հիշեցնենք, որ այս տարվա ապրիլին Քեյթ Միդլթոնը լույս աշխարհ կբերի 3-րդ երեխային: Նրա առաջնեկը՝ արքայազն Ջորջը, լույս աշխարհ է եկել 2013թ.:

Իսկ dailymail.co.uk-ն անդրադարձել է Քեյթ Միդլթոնի, արքայադուստր Շառլոտի եւ Թագուհի տատիկի նմանությանը հրապարակելով լուսանկարներ, որոնք արված են, երբ Քեյթ Միդլթոնը 7 տարեկան է, իսկ  Թագուհի տատիկի լուսանկարն արված է 1907 թվականին: