Ոստիկանությունը գրոհել է Թուրքիայի գլխավոր ընդդիմադիր կուսակցության գրասենյակը
Ոստիկանության աշխատակիցները գրոհել են Թուրքիայի գլխավոր ընդդիմադիր Ժողովրդահանրապետական կուսակցության (ԺՀԿ) կենտրոնակայանը՝ արցունքաբեր գազ և ռետինե փամփուշտներ կիրառելով ԺՀԿ կողմնակիցների և նրա ներկայացուցիչների դեմ, որոնք երեք օր պատսպարվել են շենքում: Այդ մասին հաղորդել են AP գործակալությունը և CNN Türk հեռուստաալիքը։
Անցած շաբաթասկզբին Թուրքիայի վերաքննիչ դատարանը «լիովին անվավեր» է ճանաչել ԺՀԿ-ի՝ 2023 թվականի նոյեմբերին կայացած 38-րդ համագումարի արդյունքները, որոնց համաձայն՝ Օզգյուր Օզելն ընտրվել էր կուսակցության ղեկավար։ Նրա փոխարեն դատարանը ժամանակավոր վերականգնել է կուսակցության նախկին նախագահ Քեմալ Քըլըչդարօղլուին։ Թուրքիայի 2023 թվականի գարնանը նախագահի ընտրությունում նա ընդդիմության գլխավոր թեկնածուն է եղել, որը երկրորդ փուլում պարտվել է գործող նախագահ Ռեջեփ Էրդողանին։
Պաշտոնից հեռացված Օզելը կոչ է արել իր համախոհներին ցույց անցկացնել Անկարայում կուսակցության գլխավոր գրասենյակի դիմաց։ Արդյունքում՝ մի քանի հազար ցուցարար դուրս է եկել փողոց՝ դատարանի որոշման դեմ բողոքելու, հաղորդում է dpa-ն։
Օզգյուր Օզելը դիմել է մարդկանց՝ նշելով, որ խոսքը ոչ թե ԺՀԿ-ի, այլ ժողովրդավարության, բազմակուսակցական համակարգի և ինքնուրույն որոշումներ կայացնելու ժողովրդի իրավունքի պաշտպանության մասին է։
Մենք միանգամայն արժանիորեն դուրս եկանք հաջորդ փուլ
Երևանը կդառնա ժամանակակից երաժշտության և արվեստի միջազգային կենտրոն
Աբու Դաբին կունենա համաշխարհային արվեստի նոր կենտրոն
Կարլոս Էսպին պայմանագիր է կնքել «Ռեալ Մադրիդի» հետ
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Ուրումչիի մշակութային ուղին. Գրանդ բազար
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
Փրկարարները կենդանուն դուրս են բերել ջրատարից
Մահացել է աշխարհի չեմպիոն և «Միլանի» լեգենդ Ֆրանկո Բարեզին