Թրամփը պատրաստ է զրուցել Քիմ Չեն Ընի հետ
ԱՄՆ նախագահ Դոնալդ Թրամփը հայտարարել է, թե կցանկանար հեռախոսազրույց ունենալ Հյուսիսային Կորեայի առաջնորդ Քիմ Չեն Ընի հետ:
«Ես միշտ հավատում եմ զրույցին», - լրագրողների հետ զրույցում ասել է Թրամփը՝ ի պատասխան հարցին, թե արդյոք կցանկանար զրուցել այն մարդու հետ, ում «փոքրիկ մարդ-հրթիռ է անվանել»:
«Միանշանակ: Ես կանեի դա, ես որեւէ խնդիր չեմ տեսնում ընդհանրապես», - ասել է Թրամփը՝ հավելելով, որ միևնույն ժամանակ, նախքան բանակցություններ սկսելը որոշ պայմաններ կառաջադրեր:
Թրամփը այդ մասին հայտարարել է, երբ Հարավային և Հյուսիսային Կորեաները պայմանավորվել են վերջին երկու տարվա ընթացքում իրենց առաջին պաշտոնական բանակցությունները սկսելու մասին, որի քննարկման առանցքային հարցերից է Հարավային Կորեայում փետրվարին սպասվող Ձմեռային Օլիմպիական խաղերին հյուսիսկորեացի մարզիկների մասնակցությունը:
Հունվարի 6-ին Հյուսիսային Կորեայի ներկայացուցիչը հայտնել էր, որ իր երկիրը «հնարավոր է» մասնակցի խաղերին: Այդ կապակցությամբ Թրամփը հայտարարել է, թե կցանկանար տեսնել, որ բանակցությունները առաջ են ընթանում ոչ միայն Օլիմպիադայի հարցով:
«Հարմար պահի մենք դրանցում կմասնակցենք», - ասել է Դոնալդ Թրամփը:
ՀՀ ԱԺ արտահերթ նստաշրջան - 02.07.2026
Վենեսուելայի երկինքը կարմրել է երկրաշարժից հետո (տեսանյութ)
Թուրքիան բարձրացրել է Բոսֆորով և Դարդանելով տարանցման արժեքը
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
ՆԳՆ քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի
Հարավային Աֆրիկայում բողոքի ցույցեր են միգրանտների դեմ
Փողաբաժանությունը ինքնաբուխ չի․ դա համակարգված, վերևից ներքև իջնող մեխանիզմ է
Կասեցվել է «Օքսիջեն»-ի հացի թխման արտադրամասի գործունեությունը
Ֆրանսիայում հրշեջները պայքարում են անտառային հրդեհների դեմ
Ես ուզում եմ, որ իմ երկիրը պաշտպանված լինի օտարերկրյա թշնամական տարաբնույթ գործողություններից