Ռուսները զգում են, որ կրկին ապրում են երկաթյա վարագույրի ետևում, այս անգամ՝ թվային
Եվրոպական հանձնաժողովի նախագահ Ուրսուլա ֆոն դեր Լայենի խոսքով՝ ավելի ու ավելի շատ ինտերնետային սահմանափակումներ հաստատելով՝ Ռուսաստանի իշխանությունները փորձում են բնակչությունից թաքցնել պատժամիջոցների տնտեսական հետևանքները։ «Ռուսները զգում են, որ կրկին ապրում են երկաթյա վարագույրի ետևում, այս անգամ՝ թվային», - հայտարարել է նա չորեքշաբթի՝ ապրիլի 29-ին, Ստրասբուրգում գումարված Եվրախորհրդարանի նիստում։
ԵՀ-ի ղեկավարը նաև մատնանշել է գնաճի ավելացումն ու տոկոսադրույքների սրընթաց բարձրացումը: Հետևաբար, Ուկրաինայում Ռուսաստանի սկսած պատերազմի հետևանքները «նաև վճարվում են ռուս ժողովրդի գրպաններից», - ընդգծել է ֆոն դեր Լայենը։ Նրա խոսքով՝ Կրեմլն արձագանքում է այս իրավիճակին՝ «սահմանափակելով ինտերնետի հասանելիությունը և հաղորդակցության ազատությունը»։
Ինտերնետի մասշտաբային սահմանափակումները, այդ թվում ՝ WhatsApp և Telegram մեսենջերների արգելափակումները, Ռուսաստանում շարունակվում են 2025 թվականի կեսերից։ Ապրիլին երկրի իշխանությունները նոր միջոցներ են ձեռնարկել VPN ծառայությունների դեմ, որոնք ռուսներն օգտագործում են արգելափակումները շրջանցելու համար:
Անցյալ շաբաթ ԵՄ-ն ընդունել է Ռուսաստանի դեմ պատժամիջոցների 20-րդ փուլը։ Ի թիվս այլ բաների, այն թիրախավորում է Մոսկվայի կրիպտոարժույթային գործողությունները։ Բացի այդ, Եվրամիությունն արգելել է գործարքներ 20 ռուսական բանկի հետ։
Աշխատող ծնողների համար սահմանվում է «ծնողական ժամ»
Ինչպիսի եղանակ է սպասվում այսօր
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
Մոռացված աստվածների զոհը. Գերմանիայում գտել են տղամարդու աճյուն՝ դաժան ծեսի հետքերով
Դարվինի հանելուկը, որի շուրջ 160 տարի գլուխ էին կոտրում, վերջապես պատասխան ստացավ
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում