Իրանը որոշակի առաջընթաց է գրանցել միջուկային հարցերի շուրջ բանակցություններում
ԱՄՆ փոխնախագահ Ջեյ Դի Վենսը FOX News-ին տված հարցազրույցում հայտարարել է, որ Իսլամաբադում կայացած բանակցությունների ընթացքում իրանական կողմը «շարժվել է ամերիկյան պահանջների ուղղությամբ»։ Խոսքը վերաբերում է Իրանից միջուկային նյութերի դուրսբերմանը և ապագայում ուրանի հարստացումը բացառող հստակ մեխանիզմների ներդրմանը։
Ըստ Վենսի՝ թեև վերջնական համաձայնություն չի կայացել, քանի որ իրանցի բանակցողները պետք է ստանային Թեհրանի բարձրագույն ղեկավարության հավանությունը, գրանցված տեղաշարժը հուսադրող է։ «Նրանք շարժվեցին մեր ուղղությամբ։ Կարծում եմ, որ իրանցի բանակցողները չեն կարողացել համաձայնության գալ և պետք է ստանան Թեհրանում գտնվող մյուսների հաստատումը»,- ասել է Վենսը։
Փոխնախագահը վերահաստատել է Դոնալդ Թրամփի դիրքորոշումը՝ նշելով, որ Վաշինգտոնը պատրաստ է Իրանին վերաբերվել որպես «նորմալ երկրի»՝ զարգացած տնտեսությամբ, եթե վերջինս կատարի առաջադրված պայմանները։ Վենսն ընդգծել է, որ սեղանին դրված է «մեծ գործարքի» հնարավորությունը, սակայն հաջորդ վճռորոշ քայլն այժմ պետք է անի իրանական կողմը։ Այս հայտարարությունը հնչում է բանակցությունների երկրորդ փուլի սպասումների ֆոնին, որտեղ կողմերը փորձելու են վերջնական տեսքի բերել ձեռք բերված նախնական պայմանավորվածությունները։
Ես «Հայփոստի» վերջին առնվազն 10 տարվա ամենացածր աշխատավարձ և պարգևատրում ստացած տնօրենն եմ. Հայկ Կոն...
Ակադեմիական քաղաքի տարածքում հայտնաբերվել է հնագույն բնակավայր
Ինչո՞ւ են տոներն ավարտվում հիվանդանոցով․ վերջին 1 ամսում ՀՀ-ում մի քանի զանգվածային թունավորում է գր...
ՀՀ Կառավարության կազմը
Ֆրանսիայում անտառային հրդեհների հետ կապված ձերբակալվել է 375 մարդ
Մեկնարկել են ՀՀ վարչապետի հովանու ներքո ուժային կառույցների միջև անցկացվող բանակային խաղերը
DAF մակնիշի բեռնատարը բախվել է հողաթմբին
Կասեցվել է «ՆՆ Հոլդինգ»-ին պատկանող հացի և տորթերի արտադրամասի գործունեությունը
Հայտնաբերվել է 496 ոչ սթափ վարորդ․ պարեկների անցած շաբաթվա ծառայության արդյունքները
Արիանա Գրանդեն որոշել է ժամանակավորապես հեռանալ հանրային տեսադաշտից