ԱՄՆ-ն ապրիլի 13-ին կսկսի Իրանի նավահանգիստների շրջափակումը
ԱՄՆ կենտրոնական հրամանատարության (CENTCOM) ուժերը ապրիլի 13-ին կսկսեն Իրանի նավահանգիստներ և ափամերձ տարածքներ մտնող ու դուրս եկող բոլոր նավերի շրջափակումը՝ համաձայն ԱՄՆ նախագահ Դոնալդ Թրամփի հրամանագրի, հայտարարել է CENTCOM-ի մամուլի ծառայությունը:
Շրջափակումը կտարածվի բոլոր երկրների նավերի վրա և կվերաբերի Պարսից և Օմանի ծոցերի իրանական բոլոր նավահանգիստներին։ CENTCOM-ը չի խոչընդոտի նավարկության ազատությանը Հորմուզի նեղուցում և ոչ իրանական նավահանգիստներում, գրում է dpa գործակալությունը։
Ռազմածովային շրջափակման մասին ԱՄՆ նախագահ Դոնալդ Թրամփը հայտարարել է ապրիլի 12-ին՝ Իսլամաբադում ԱՄՆ-Իրան բանակցությունների ձախողված փուլից հետո, սակայն ճշգրիտ ժամկետներ չի նշել:
Սպիտակ տան ղեկավարը մտադիր է կանխել Իրանի՝ բեռնափոխադրող ընկերություններից Հորմուզի նեղուցով, տարանցման համար վճարների գանձումը և Թեհրանին զրկել նավթային եկամուտներից, հաղորդում է dpa-ն։
Մինչդեռ Իսլամական Հանրապետության բանակի ռազմածովային ուժերի հրամանատար Շահրամ Իրանին Թրամփի հայտարարությունները համարել է «ծիծաղելի»: «Իրանին ծովում շրջափակելու մասին ԱՄՆ նախագահի սպառնալիքները ծիծաղելի են ու անհեթեթ»,- նրա խոսքերն է մեջբերում AFP-ն։ Նա հավելել է, որ Իրանի ռազմածովային ուժերը «հետևում և վերահսկում են տարածաշրջանում ԱՄՆ ագրեսիվ բանակի բոլոր գործողությունները»:
Մենք միանգամայն արժանիորեն դուրս եկանք հաջորդ փուլ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Երևանը կդառնա ժամանակակից երաժշտության և արվեստի միջազգային կենտրոն
Աբու Դաբին կունենա համաշխարհային արվեստի նոր կենտրոն
Կարլոս Էսպին պայմանագիր է կնքել «Ռեալ Մադրիդի» հետ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Ուրումչիի մշակութային ուղին. Գրանդ բազար
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
Փրկարարները կենդանուն դուրս են բերել ջրատարից
Մահացել է աշխարհի չեմպիոն և «Միլանի» լեգենդ Ֆրանկո Բարեզին