Ջիգարխանյանի նախկին կնոջ բնակարանի խուզարկությունն օրինական է եղել

Մոսկվայի քաղաքային դատարանը օրինական է ճանաչել դերասան եւ ռեժիսոր Արմեն Ջիգարխանյանի նախկին կնոջ՝ Վիտալինա Ցիմբալյուկ-Ռոմանովսկայայի բնակարանի խուզարկությունը, հաղորդում է «ՌԻԱ Նովոստի»-ին:

Ցիմբալյուկ-Ռոմանովսկայայի դեմ դեկտեմբերի 5-ին պաշտոնապես մեղադրանք էր առաջադրվել Ռուսաստանի Դաշնության Քրեական օրենսգրքի 137 հոդվածի հիման վրա՝ «Աձնական կյանքի անձեռնմխելիության խախտում»: Հետաքննության համաձայն՝ նա դերասանի անձնական կյանքի վերաբերյալ տեղեկություն էր հավաքում եւ տարածում ԶԼՄ-ներում՝ առանց ամուսնու իմացության եւ համաձայնության:

Հիշեցնենք, որ 82-ամյա արվեստագետի եւ նրա 38-ամյա նախկին կնոջ` Վիտալինա Ցիմբալյուկ-Ռոմանովսկայայի փոխհարաբերությունների շուրջ սկանդալը սկսվեց հոկտեմբերի 10-ին, երբ դերասանը հիվանդանոցում էր հայտնվել եւ հայտարարել էր, որ պատրաստ չէ ներել կնոջը, ով, վերջինիս խոսքով, մեծ ցավ է պատճառել իրեն:

Միաժամանակ, Ցիմբալյուկ-Ռոմանովսկայան, որը Ջիգարխանյանի ղեկավարած թատրոնի տնօրենն էր, հրաժարվել է պաշտոնից սեփական ցանկությամբ եւ հայտարարել, որ մտադիր է ամուսնալուծվել:

Այս թեմայով Արմեն Ջիգարխանյանի ժառանգությանը տիրացել են կողմնակի մարդիկ Ցիմբալյուկ-Ռոմանովսկայան 84-ամյա Արմեն Ջիգարխանյանից մեկ մլն ռուբլի է պահանջում Արմեն Ջիգարխանյանին դուրս են գրել հիվանդանոցից Արմեն Ջիգարխանյանը հոսպիտալացվել է և գտնվում է վերակենդանացման բաժանմունքում Ջիգարխանյանի նախկին կինն ամուսնալուծությունից հետո առաջին անգամ անկեղծացել է (տեսանյութ)