FT. ԱՄՆ-ն Զելենսկիին մի քանի օր է տվել ամերիկյան «խաղաղության ծրագրին» պատասխանելու համար
Վաշինգտոնը պահանջում է Ուկրաինայի նախագահից արագ արձագանք Թրամփի վարչակազմի «խաղաղության ծրագրին»՝ նպատակ ունենալով Ռուսաստանի հետ հրադադարի համաձայնագրի հասնել «մինչև դեկտեմբերի 25-ը՝ Սուրբ Ծնունդ», հաղորդում է Financial Times-ը։
Բանակցությունների վերաբերյալ տեղեկացված պաշտոնյաների համաձայն՝ Դոնալդ Թրամփի դեսպանները Վլադիմիր Զելենսկիին մի քանի օր են տվել առաջարկվող խաղաղության համաձայնագրին պատասխանելու համար, որը պահանջում է, որ Ուկրաինան ճանաչի տարածքային կորուստները՝ ԱՄՆ-ի անորոշ անվտանգության երաշխիքների դիմաց։
Զելենսկին իր եվրոպացի գործընկերներին ասել է, որ շաբաթ օրը երկու ժամ տևած հեռախոսազրույցի ընթացքում Թրամփի հատուկ դեսպանորդ Սթիվ Վիտկոֆը և ԱՄՆ նախագահի փեսան՝ Ջարեդ Քուշները, ճնշում են գործադրել իր վրա՝ արագ որոշում կայացնելու համար, հաղորդում է FT-ն (պահանջվում է բաժանորդագրություն)։
Financial Times-ի աղբյուրը, որը ծանոթ է Կիևին առաջարկված ժամանակացույցին, ասել է, որ Թրամփը հույս ունի համաձայնության հասնել «մինչև Սուրբ Ծնունդ»։
Պաշտոնյաների համաձայն՝ Զելենսկին ամերիկացի դեսպաններին ասել է, որ իրեն ժամանակ է պետք՝ Վաշինգտոնի առաջարկին պատասխանելուց առաջ եվրոպացի դաշնակիցների հետ խորհրդակցելու համար։
Մի պաշտոնյա հայտարարել է, որ Ուկրաինան խրված է տարածքային պահանջների միջև, որոնք չի կարող ընդունել, և ԱՄՆ պահանջների միջև, որոնք չի կարող մերժել։
Երկուշաբթի օրը Ուկրաինայի նախագահը Լոնդոնում հանդիպել է Ֆրանսիայի, Գերմանիայի և Մեծ Բրիտանիայի առաջնորդների հետ։ Գերմանիայի կանցլեր Ֆրիդրիխ Մերցը ակնարկել է իրավիճակի հրատապության մասին՝ նշելով, որ առաջնորդները հավաքվել են քննարկելու «առաջիկա օրերը, քանի որ սա կարող է վճռորոշ պահ լինել մեզ բոլորիս համար», հաղորդում է FT-ն։
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
ԿԸՀ-ն իր ձեւով քննարկելու է «Մեր ձեւովի» հարցը
ՀՀ նախկին ոստիկանապետ Վլադիմիր Գասպարյանի առանձնատանը կից ապօրինի շինությունները ևս քանդվել են․ դատա...
Քրեական վարույթներով վերականգնվել է շուրջ 29 միլիոն 711 հազար ԱՄՆ դոլարին համարժեք 11 միլիարդ 249 մի...
Գարեգին Երկրորդի եղբոր կալանքը 2 ամսով երկարաձգվեց
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Մի շարք հասցեներում լույս չի լինի
Իրանում վերականգնվել է ինտերնետային կապը
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Գողություններ կատարած տղամարդիկ ձերբակալվել են․ Վաղարշապատի համայնքային ոստիկանների բացահայտումը (տե...