Հայկական ձեռարվեստը ներկայացվել է Թբիլիսիի մշակութային հաստատություններում
ԿԳՄՍ նախարարության աջակցությամբ և Հովհաննես Շարամբեյանի անվան ժողովրդական արվեստների թանգարանի ու Վրաստանում ՀՀ դեսպանության համագործակցությամբ՝ նոյեմբերի 28-ից դեկտեմբերի 2-ը Թբիլիսիում հայ վարպետները ներկայացրել են հայկական ոչ նյութական մշակութային ժառանգությունը:
Հայ վարպետները «Թբիլիսիի Շերատոն Մետեխի Փալաս» հյուրանոցում մասնակցել են Վրաստանի կանանց միջազգային ասոցիացիայի կազմակերպած Ամանորի ավանդական բարեգործական տոնավաճառին՝ ներկայացնելով հայկական ձեռագործ աշխատանքներ և հուշանվերներ:
Միջոցառմանը մասնակցում են շուրջ 20 երկրների դեսպանատներ՝ առանձին տաղավարներով ներկայացնելով իրենց ազգային մշակույթն ու հուշանվերային արտադրանքը: Հովհաննես Շարամբեյանի անվան ժողովրդական արվեստների թանգարանի վարպետների ձևավորված տաղավարը մեծ հետաքրքրության է արժանացել այցելուների կողմից:
Ծրագրի շրջանակում հայ վարպետներն ասեղնագործության, կարպետագործության, տիկնիկագործության և թաղիքագործության վարպետաց դասեր են անցկացրել Թբիլիսիի թիվ 104 հայկական դպրոցում, Վիրահայոց թեմի «Հայարտուն» կրթամշակութային և երիտասարդության կենտրոնում, «Հովհաննես Թումանյանի տուն» գիտամշակութային կենտրոնում և Գարի Դավթյանի տուն-թանգարանում:
Հանդիպումներ են տեղի ունեցել Վրաստանում ՀՀ դեսպանատանը և Վրաստանի ժառանգության և արհեստների ասոցիացիայի վարպետների հետ՝ երկուստեք ներկայացնելով ձեռարվեստի հայկական և վրացական ավանդույթները: Վարպետները փորձի փոխանակման միջոցով ծանոթացել են միմյանց մշակութային ժառանգությանը՝ ձևավորելով նոր հեռանկարներ հայ-վրացական մշակութային համագործակցության համար:
Մենք միանգամայն արժանիորեն դուրս եկանք հաջորդ փուլ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
Երևանը կդառնա ժամանակակից երաժշտության և արվեստի միջազգային կենտրոն
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Փրկարարները կենդանուն դուրս են բերել ջրատարից
Կարլոս Էսպին պայմանագիր է կնքել «Ռեալ Մադրիդի» հետ
Աբու Դաբին կունենա համաշխարհային արվեստի նոր կենտրոն
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Ուրումչիի մշակութային ուղին. Գրանդ բազար