Օդի աղտոտվածությունը Երևանում աճում է․ ինչո՞ւ և ի՞նչ անել
Վերջին օրերին օդի որակի, աղտոտվածության պատճառների և լուծումների մասին «Թոփ լուրեր» լրատվականը զրուցեց «էկոլուր» տեղեկատվական հասարակական կազմակերպության փոխնախագահ, բնապահպան Վիկտորյա Բուռնազյանի հետ։
Բնապահպանը մտահոգիչ համարեց օդի աղտոտվածության ներկայիս մակարդակը, որը, ըստ նրա, արդյունք է միաժամանակյա մի շարք գործոնների՝ անտիցիկլոնի առկայությունը և դրա հետևանքով քամիների դադարը, ահռելի ծավալի շինարարությունները, Երևանին շրջապատող հանքերը, տրանսպորտային արտանետումները։ Այս ամենին ավելանում է նաև կանաչ տարածքների սակավությունը, ինչը նվազեցնում է օդի բնական վերականգնման հնարավորությունը և թույլ չի տալիս, որ օդն ինքնամաքրվի։
Նրա համոզմամբ վերջին օրերին Հայաստանի տարբեր մարզերում բռնկված հրդեհները չեն ազդել Երևանի օդի որակի վատացման վրա, քանի որ քամիները փչել են այլ ուղությամբ։ Ըստ Բուռնազյանի, մայրաքաղաքում մենք տեսնում ենք մեր՝ քաղաքի բնակիչների ստեղծած արտանետումների և աղտոտվածության հետևանքը։
Ի՞նչ անել օդի որակի բարելավման համար
Բուռնազյանի համոզմամբ, առաջինը մեր քաղաքին անհրաժեշտ է մեծածավալ կանաչապատման աշխատանքներ, այնպես որ տարվա բոլոր սեզոններին մայրաքաղաքում ունենանք կանաչ տարածքներ։ Դա կարելի է անել, եթե տնկվեն ծառերի տեսակներ, որոնք աշնանը տերևաթափ չեն լինում, ինչի շնորհիվ տարվա այս ընթացքում կմեղմվի փոշու և ծխի բացասական ազդեցությունը։ Նաև կարևոր է, որ շինարարությամբ զբաղվող ընկերությունները կատարեն «մթնոլորտային օդի մասին օրենքով» սահմանված միջոցառումները՝ պաշտպանիչ և կանխարգելիչ միջոցառումներ, որոնք ուղղված են փոշու և արտանետումների նվազեցմանը։ Պետք է կատարվեն փոշենստեցման և ջրցան աշխատանքներ, շինհրապարակներից դուրս եկող մեքենաների անվադողերը պետք է մաքրվեն։
«Սակայն մենք տեսնում ենք, որ ոչ բոլորն են այդ միջոցառումները անում»,- փաստում է բնապահպանը։ Բուռնազյանի պնդմամբ, եթե անգամ քաղաքապետարանի և այլ մարմինների կողմից արվել են կանխարգելիչ քայլեր, ապա դրանք բավական չեն, քանի որ այսօր ունենք վատ որակի օդ՝ որը վտանգավոր է մեր առողջությանը։
Վիկտորյա Բուռնազյանի համոզմամբ՝ օդի որակի բարելավումը պահանջում է համալիր մոտեցում, որպեսզի հնարավոր լինի հաղթահարել իրար հետ փոխկապակցված խնդիրները։
Top-News.am
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
Հայաստանում ամառային հանգիստը որքանո՞վ է հասանելի միջին ընտանիքին
Վանաձորի մի շարք հասցեներում գազանջատումներ կլինեն
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան
Աբդոլլահին նշանակվել է Իրանի զինված ուժերի գլխավոր շտաբի պետ
Երբ Իրանը գալիս է մեր բանակցողների մոտ, նրանք խոսում են միայն կանխիկի մասին. Ուոլց
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
ARMAT Fest 2026. Դիլիջանում կանցկացվի ժամանակակից հայկական մշակույթը, երաժշտությունն ու ստեղծարարութ...