Ջիգարխանյանի որդու խոստովանությունը. ավելի շատ հետաքրքրում է ավտոտնակի դուռը, քանի հոր նախկին կինը

Արմեն Ջիգարխանյանի առաջին կնոջ որդին` Ստեփանը, որը կրում է հայտնի դերասանի ազգանունը, համարում է, որ Վիտալինա Ցիմբալյուկ–Ռոմանովսկայան կապ ունի գաղտնի նկարահանումների հետ։
 ԽՍՀՄ ժողովրդական արտիստ Արմեն Ջիգարխանյանի խորթ որդին` Ստեփան Ջիգարխանյանը, դուրս է եկել ստվերից` հոր և Վիտալինա Ցիմբալյուկ-Ռոմանովսկակայի շուրջ ծավալված աղմկահարույց պատմությունը մեկնաբանելու համար։

«Եթե նրանց ընտանիքն այդքան ամուր էր և կառուցված էր ամուր հարաբերություններ վրա, ինչպես պնդում է Վիտալինան, ապա գաղտնի տեսագրություններն ինչու՞ են այդքան շատ»,- ասել է Ստեփանը ռուսական Առաջին ալիքի «Пусть говорят» («Թող խոսեն») հաղորդման ընթացքում։

Ավելի վաղ հայտնի էր դարձել, որ Արմեն Ջիգարխանյանի գրասենյակում գաղտնի տեսախցիկներ են տեղադրվել։

Ստեփանը նշեց, որ Վիտալինայի կողմը հայտարարել է, թե ժամանակին Մոսկվայի կառավարության պահանջով գաղտնի տեսախցիկներ են տեղադրվել պետական մի շարք հաստատություններում, այդ թվում` թատրոններում։

«Հարց է ծագում` չորս տարի շարունակ ո՞վ է սպասարկել այդ տեսախցիկները։ Տրամաբանորեն` Արմեն Բորիսովիչի մտերիմներից մեկը։ Ո՞վ էր մտերիմը։ Ստացվում է` Վիտալինան»,- ասել է Ստեփանը։

Նա կարծում է, որ Ջիգարխանյանի հետ կապված պատմությունից հետո Ցիմբալյուկ-Ռոմանավոսկայան կորցրել է բոհեմի հետ շփվելու հնարավորությունը։

«Բնակարանները, անշարժ գույքը, Մերսեդեսը… այս ամենը հրաշալի է։ Բայց բոլորը մոռանում են մի կարևոր հանգամանքի մասին` նա կորցրել է բոհեմի, վերնախավի հետ շփվելու հնարավորությունը, Միխալկովի, Բոնդարչուկի, Մարկ Զախարովի ձեռքը սեղմելու հնարավորությունը»,- ասել է Ստեփանը։

Նրա կարծիքով, մշակույթի ոլորտի մարդկանց խնդիրն այն է, որ մոտ են թողնում իրենց շրջանակին օտար մարդկանց։

Ստեփանը նշել է, որ չի ուզում խառնվել Ջիգարխանյանի ու Վիտալինայի խնդիրներին, քանի որ իր կյանքը լիովին կապված է Լաս Վեգասի հետ։ Նա Վիտալինայի հետ հանդիպելու որևէ ցանկություն չունի, թեև չի բացառում նաև հանդիպելու հնարավորությունը։

Նրա խոսքով, Վիտալինան խորհրդատուների մի ամբողջ շտաբ ունի։

«Թող ինքնուրույն ելք գտնի այս իրավիճակից։ Վիտալինային ասելիք չունեմ։ Ես իմ սեփական կյանքն ունեմ և չեմ մասնակցում և չեմ ուզում մասնակցել նրանց կյանքին»,- ասել է Ստեփանը։

Նրա խոսքով, իրեն ավելի շատ հետաքրքրում է ավտոտնակի դուռը, քան Վիտալինայի այս կամ այն հայտարարությունը։

Ստեփանն ապրում է Լաս Վեգասում և զբաղվում է խաղային բիզնեսով։ Ասում է, որ երբեք պարտք չի տալիս և չի վերցնում։

Ընկերների խոսքով` Ստեփանը երբեք իր ազգանունն անձնական նպատակներով չի օգտագործում։

Հասարակությունն արդեն երկու ամիս շարունակ քննարկում է Արմեն Ջիգարխանյանի ու նրա երիտասարդ կնոջ շուրջ ծավալված սկանդալը։ Դերասանը հայտարարել է, որ կինը խաբեությամբ յուրացրել է փողերը, իր անունով դարձրել անշարժ գույքն ու մահափորձ կազմակերպել։ Վիտալինան իր հերթին հայտարարել է, որ որևէ հարցում մեղավոր չէ, ավելին` նա կատարվածի համար մեղադրում է Ջիգարխանյանին շրջապատող մարդկանց։

Նշենք, որ նոյեմբերի 27-ին Մոսկվայի Կունցևոյի 202-րդ շրջանի դատական տեղամասը բավարարել է դերասան և ռեժիսոր Արմեն Ջիգարխանյանի ու Վիտալինա Ցիմբալյուկ-Ռոմանովսկայայի ամուսնալուծության դիմումը։

Այս թեմայով Արմեն Ջիգարխանյանի ժառանգությանը տիրացել են կողմնակի մարդիկ Ցիմբալյուկ-Ռոմանովսկայան 84-ամյա Արմեն Ջիգարխանյանից մեկ մլն ռուբլի է պահանջում Արմեն Ջիգարխանյանին դուրս են գրել հիվանդանոցից Արմեն Ջիգարխանյանը հոսպիտալացվել է և գտնվում է վերակենդանացման բաժանմունքում Ջիգարխանյանի նախկին կինն ամուսնալուծությունից հետո առաջին անգամ անկեղծացել է (տեսանյութ)