Ուրացման երևույթներ են. դա մոդեռն երևալու մոլուցք է. Րաֆֆի Հովհաննիսյանը՝ Փաշինյանի հայտարարությունների մասին
Իմ հայրը՝ Ռիչարդ Հովհաննիսյանը և իր սերնդակիցները տվել են իրենց կյանքը, որպեսզի բոլորս՝ հայ և օտար, իմանանք ճշմարտությունը իր բոլոր երեսներով և երանգներով, պատճառներով և հետևանքներով։ Այս մասին, այսօր՝ հունվարի 28-ին, Բանակի օրը, «Եռաբլուր» պանթեոնում լրագրողների հետ զրույցում նշեց «Ժառանգություն» կուսակցության առաջնորդ, Հայաստանի առաջին ԱԳ նախարար Րաֆֆի Հովհաննիսյանը՝ անդրադառնալով նրան, որ վարչապետ Նիկոլ Փաշինյանը Շվեյցարիայում հայ համայնքի ներկայացուցիչների հետ խոսել էր ցեղասպանությունից և ասել, որ պետք է վերադառնալ այդ թեմային, հասկանալ ինչ է եղել և ինչու է եղել։
Րաֆֆի Հովհաննիսյանը շարունակեց. «Նրանք հնարավորություն բացեցին նաև պաշտոնական Անկարային և թուրք ժողովրդին, որ իրենք առերեսվեն իրենց պատմության հետ, և որ հայ մարդը՝ պաշտոնյա և քաղաքացի, նույնպես այդ խարանի տակ չընկնի:
Ցավոք սրտի, դա եղել է և հավանաբար նորից կլինի, մենք պիտի այլևս չզարմանանք, բայց ահազանգ, հարցազրույց, վերլուծություն, զգացմունքային պատասխան, այդ ամենքը պետք է իհարկե: Բայց հիմնական պատասխանը մնում է մեկը, այդ էափոփոխությունը, որ մենք պետք է կատարենք, որովհետև այն ժխտողականության ուրացման քաղաքականությունը, որ Թուրքիան տարել է տասնամյակների ընթացքում, դա իսկապես այսօր կրկնվում է իր երանգով, իր փափկությամբ, իր սահուն մուտքով: Սրանք ուրացման երևույթներ են, և որը մենք տեսնում ենք արդեն հայ մարդու և գործող պաշտոնյայի կողմից։
Դրա համար ես դա չեմ մեկնաբանում, ցավալի է, ողբերգական է, մենք արժանի չենք ոչ մի սերունդ, ոչ մի քաղաքական կողմ, ձախ ու աջ, նախկին թե ներկա, հատկապես երիտասարդ սերունդը և ապագա կրողները, բայց մենք և հատկապես երիտասարդությունը կհաղթահարի նաև նաև այս պահը, այդ նորարարությունը, մոդեռն, մարդիական երևալու մոլուցքը ես հոգեբուժություն չեմ ուզում կատարել, արդեն երրորդական, չորրորդական բաներ են դառնում: Գործն է, որ մեզ պիտի բնորոշի, այս տոնը շնորհավոր լինի, արժանի լինենք մեր ընկած տղաներին»:
Քարից մինչև արձան. Գիտնականները առաջին անգամ ցույց են տվել Զատկի կղզում մոայիի ստեղծումը
Զորականում ուսանողին ծեծի ենթարկած դեռահասներն ազատության մեջ են
Մայր Աթոռի հայտարարությունը
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
Քեյթ Միդլթոնը բացահայտել է իր արտաքինի մասին զարմանալի գաղտնիք
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Հայտնի է երկրի ամենախիտ բնակեցված քաղաքը
54-ամյա Քրիստինա Օրբակայտեն լողազգեստով ցուցադրել է կազմվածքը