66-ամյա Մադոննան 28-ամյա բոյֆրենդի հետ նշանադրվելու մասին լուրերի առիթ է տվել

66-ամյա Մադոննան 28-ամյա բոյֆրենդի՝ Ակիմ Մորիսի հետ նշանադրվելու մասին լուրերի առիթ է տվել՝ մի քանի լուսանկարներ հրապարակելով նրա հետ, որոնցում երեւում է ադամանդե մատանին նրա ձախ ձեռքին։

Ուշադիր երկրպագուները արագ նկատել են նրա նոր զարդը, որը հպարտ ցուցադրել է նա մի քանի լուսանկարներում։

«Ես եղել եմ դժոխքում եւ վերադարձել եմ, եւ թույլ տվեք ինձ ասել ձեզ, որ դա հիանալի էր»,- մակագրել է նա իր լուսանկարները։ «Ես տեսել եմ այս արտահայտությունը Լուիզա Բուրժուայի ցուցահանդեսում Տոկիոյում, Նոր տարվա նախօրեին... Լինել մայր եւ դերասանուհի՝ հավասար չափով ուրախություն է եւ տառապանք... Ես չեմ կարող ինձ պատկերացնել որեւէ այլ կյանք։ Երջանիկ երեխաների համար։ Կախարդական մտածողության համար։ Ամուր առողջության համար եւ հավերժ օրհնության։ Ես երախտապարտ եմ եւ փառաբանում եմ բոլորին, ովքեր համարձակություն են ունեցել այս կյանքում եւ բոլոր այլ կյանքերում։ 2025թ. ես գավաթ եմ բարձրացնում բոլորի համար, ովքեր համարձակություն են ունեցել լինել այն, ինչ կան»։

Մորիսը ամերիկյան ֆուտբոլի նախկին խաղացող է եւ Սթոունի-Բրուք համալսարանի քաղաքագիտության ֆակուլտետի շրջանավարտ։ Նա փոփ-կուռքի հետ ծանոթացել է 2022թ. օգոստոսին։

Նրանք ռոմանտիկ հարաբերություններ չեն ունեցել մինչեւ 2024թ. հուլիս, նախքան սոցցանցերում Մադոննայի կողմից լուսանկարների հրապարակումը։

Զույգը վերջերս վերսկսել է սիրավեպը այն բանից չորս շաբաթ անց, երբ ենթադրաբար բաժանվել էր հոկտեմբերին։