«Ռիո մոլ» առևտրի կենտրոնի հարևանությամբ կայանված ավտոմեքենայից գողացել են 25 մլն ՀՀ դրամ

Օգոստոսի 17-ին՝ ժամը 21:00-ի սահմաններում, ՀՀ ՆԳՆ Ոստիկանության Արաբկիրի բաժին է դիմել ՌԴ քաղաքացի 38-ամյա Շուշանիկ Ղ.-ն և հայտնել, որ իր ավոմեքենայից գողացել են 25 մլն ՀՀ դրամ։ Այս մասին հայտնում է Shamshyan.com-ը։

Կայքի տեղեկություններով, քաղաքացին պատմել է, որ նույն օրը՝ ժամը 17:20-ից 18:00 ընկած ժամանակահատվածում ինքն իր կողմից շահագործվող «Toyota» մակնիշի ավտոմեքենան կայանել է «Ռիո մոլ» առևտրի կենտրոնի՝ Սարալանջի փողոցի հատվածում, որտեղ էլ ավտոմեքենայի միջից գողացել են 25 մլն ՀՀ դրամ։ Դեպքի փաստով Արաբկիրի քննչական բաժնում նախաձեռնվել է քրեական վարույթ։