Արարատի մարզում «Opel»-ը կողաշրջված վիճակում հայտնվել է ջրատարում․ վիրավորներից մեկը 2 տարեկան աղջիկ է

Օգոստոսի 11-ին ավտովթար է տեղի ունեցել Արարատի մարզում։ Ժամը 15։10-ի սահմաններում Երևանի բնակիչ 28-ամյա Վալերի Ա․-ն՝ իր վարած «Opel» մակնիշի ավտոմեքենայով, Ավշար գյուղի Խորենացի փողոցում, դեռևս անհայտ հանգամանքներում, կորցնելով ավտոմեքենայի կառավարումը՝ դուրս է եկել հանդիպակաց երթևեկելի գոտի և կողաշրջված վիճակում հայտնվել ջրատարի մեջ։

Ինչպես հայտնում է Shamshyan.com-ը, 2 հոգի, որոնցից մեկը՝ 2 տարեկան աղջիկ երեխա, մարմնական վնասվածքներով տեղափոխվել են Վեդիի բժշկական կենտրոն։

Վթարի փաստով Վեդիի քննչական բաժնում նախաձեռնվել է քրեական վարույթ, որտեղ պարզում են վիրավորների ինքնությունը։