Արեւմուտքը հնարավորություն է ստացել սահմանազատման գործընթացից Ռուսաստանին բացառելու. ԱԳ նախկին փոխնախարար
Չէի կարող սա նորմլ պրոցես կոչել. առողջ տրամաբանությանը հակառակ պրոցես է տեղի ունենում: Այս մասին NEWS.am-ի հետ զրույցում նշեց ԱԳ նախկին փոխնախարար Գագիկ Ղալաչյանը՝ անդրադառնալով Տավուշի մարսում սահմանին շուրջ 3 տասնյակ սյուներ տեղադրելուն:
«Միջազգային փորձը ցույց է տալիս, որ սահմանազատումն ու սահմանագծումը ընդհանուր կարգավորման փաթեթային գործընթացի ավարտական մասն է հանդիսանում: Մինչ այդ շատ հարցեր կան կարգավորելու երկու պետությունների միջեւ: Երկրորդը, ընդհանրապես, սահմանազատումը տեղի է ունենում որոշակի սկզբունքների հիման վրա, որը համաձայնեցվում է կողմերի միջեւ: Մենք չգիտենք, թե որ սկզբունքներն են վերցված:
Պակաս կարեւոր չէ նաեւ այն, որ մեր սահմանը շատ երկար է եւ պարզ է, որ ամբողջ սահմանազատման գործընթացում ունենալու ենք տարբեր իրավիճակներ, երբ կողմերի դիրքորոշումները կարող են հակադրվել միմյանց հետ, կարող են ընդհանուր հայտարարի չգալ: Մենք գիտենք, որ երկրներ կան, որ տասնյակ տարիներով են սահմանազատում իրականացնում եւ դա որեւէ սրացման չի բերում, դա շատ քաղաքակիրթ պրոցես է:
Հաշվի առնելով, որ տարբեր տեղերում տարբեր հարցեր կարող են առաջանալ սահմանազատման ընթացքում, ընդունված է մի սկզբունք, որ կողմերը նախեւառաջ պայմանավորվում են, որ ոչինչ համաձայնեցված չէ, եթե ամեն ինչ համաձայնեցված չէ: Այսինքն երբ կգան համաձայնության բոլոր հատվածների շուրջ, այդ ժամանակ նոր կարելի է սկսել սահմանազատումը: Այս դեպքում տեսնում ենք լրիվ հակառակը»,-ասաց նա:
Հարցին՝ դա Հայաստանն անում է ուժի սպառնալիքի տա՞կ, Ղալաչյանը պատասխանեց. «Ես տեղյակ չեմ այդ ուժի սպառնալիքից: Այս վերջերս մենք ավելի շատ ուժի կիրառման սպառնալիք լսում ենք մեր իշխանություններից, քան հարեւան պետություններից: Հնարավոր է՝ կա որոշակի ճնշում, բայց դա չի նշանակում, որ մենք պետք է ընկրկենք ցանկացած ճնշման առաջ: Վերջին հաշվով, այս հատվածական սահմանազատումը վկայում է այն մասին, որ Ադրբեջանը փորձում է սկզբանե ավելի բարենպաստ պայմաններ ստեղծել հետագա հատվածների սահմանազատման համար: Այսինքն, այնտեղ, որտեղ Հայաստանը հնարավոր է ինչ-որ զիջումներ անի, այդ տեղերում իրենք իրենց սյուները կանգնեցնում են, իսկ այնտեղ, որտեղ կարող է հարց առաջանալ մեր կողմից, արդեն կմնան անպատասխան:
Քանի դեռ ադրբեջանցիները տեսնում են, որ կարող են բրելավել իրենց բանակցային դիրքերը՝ առանց փոխզիջման գնալու, ձգտելու են հասնել դրան: Քանի դեռ ՀՀ իշխանությունները ամեն անգամ նահանջում են, դա շատ բարենպաստ հնարավորություններ է ստեղծում Ադրբեջանի դիվանագիտության համար: Այն, ինչ այսօր տեղի է ունենում, առողջ տրամաբանությունից դուրս է»:
Փոխնախարարը հիշեցրեց, որ ժամանակին գործում էր Հայաստան-Ադրբեջան-Ռուսաստան եռակողմ ձեւաչափ, որի շրջանակներում նախատեսվում էր իրականացնել նաեւ սահմանազատում. «Հիմա Արեւմուտքը հնարավորություն է ստացել այդ գործընթացից Ռուսաստանին բացառելու: Գուցե սա է պատճառը, որ այսպես բուռն աջակցություն է ստանում այս գործընթացը արեւմտյան պետությունների կողմից:
Նր խոսքով, այն հանրային պրոցեսները, որ հիմա տեղի են ունենում, կարող են նպաստել իրականացվող գործընթացի կասեցմանը. «Բայց չեմ կարծում, որ այն պայմանավորվածությունները, որոնք ձեռք են բերվել, ներկայիս իշխանությունները պատրաստ են չեղարկելու: մենք պետք է փորձենք վերանայել այս ամբողջ գործընթացի տրամաբանությունը»,-այս ոգով չի կարելի շարունակել»,- ընդգծեց նախկին փոխնախարարը:
Դաշտ են դուրս գալիս ձեւիստները
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Ում դրոշը պետք է երեւա սահմանի այն կողմում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով
61 միլիոն եվրո․ Մբապեն դատարանում հաղթել է ՊՍԺ–ին
Լուկաշենկոն խոսել է նախագահի պաշտոնից հեռանալու մասին
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...