2024-ին ավելի քիչ են ծնվել ու ամուսնացել, ավելի շատ են մահացել և ամուսնալուծվել

Հայաստանում ծնելիության ցուցանիշը շարունակում է նվազել, աճել են մահերն ու ամուսնալուծությունները:
Հայաստանում 2024 թվականի առաջին երկու ամիսներին 390-ով քիչ երեխա է ծնվել, քան 2023 թվականի նույն ժամանակահատվածում ։ Այսպես, ՀՀ վիճակագրական կոմիտեի տվյալներով ՝ 2024 թվականի հունվար-փետրվար ամիսներին ծնվածների թիվը կազմել է 5477՝ 2023 թվականի 5867-ի դիմաց ։
Միևնույն ժամանակ, 2024 թվականի հունվար-փետրվար ամիսներին մահվան դեպքերի թիվն աճել է 371-ով՝ հասնելով 4 914-ի։ Ավանդույթի համաձայն՝ Հայաստանում ամենից հաճախ մահանում են արյան շրջանառության համակարգի, օնկոլոգիական, շնչառական համակարգի, մարսողական օրգանների և վարակիչ հիվանդություններից:

Ինչ վերաբերում է ամուսնություններին, ապա դրանց թիվը 2023 թվականի համեմատ նվազել է 58-ով ՝ 2024 թվականին կազմելով 2 602։ Այս տարվ հունվար-փետրվար ամիսներին ամուսնալուծությունների թիվն աճել է 33-ով՝ ընթացիկ տարվա առաջին երկու ամիսներին հասնելով 694-ի։