Խառատյանն առաջարկել է երիտասարդ կնոջ հետ Ջիգարխանյանի վեճի լուծումը

Ժողովրդական արտիստ Արմեն Ջիգարխանյանի սկանդալային բաժանվելը երիտասարդ կնոջից՝ Վիտալինա Ցիմբալյուկ Ռոմանովսկայայից արդեն մեկ շաբաթ է ակտիվորեն քննարկում են դերասանի երկրպագուները, ծանոթները եւ ընկերները: Տեղի ունեցածի հանդեպ անտարբեր չի մնացել նաեւ դերասան Դմիտրի Խառատյանը: Նա նշել է, որ Արմեն Բորիսովիչին վաղուց է ճանաչում եւ իրեն լավ հայտնի է, թե թատրոնի եւ կինոյի աստղի հարաբերությունները կնոջ հետ ինչպիսին էին:

Հայտնի է, որ արդեն նոյեմբերի 9-ին տեղի է ունենալու Ջիգարխանյանի եւ Վիտալինայի ամուսնալուծության գործով դատական նիստը: Քանի որ դերասանի կինն այժմ Ռուսաստանում չէ, նրա շահերը կպաշտպանի իր ներկայացուցիչ Էլինա Մազուրը: Հարկ է նշել, որ Ցիմբալյուկ Ռոմանովսկայան եւ դերասանի քույրը փորձում են նրան տարհամոզել պաշտոնապես ամուսնալուծվելուց, սակայն դեռեւս անարդյունք:

Զույգի հնարավոր բաժանումից հիացած չէ նաեւ Խառատյանը: Նա նշել է, որ զույգից 1 մետր հեռավորությամբ է բնակվում, այնպես որ՝ նրանց ոչ միայն թատրոնում է հանդիպել, աշխատավայրում, այլեւ առօրյա կյանքում: Նա բազմիցս հետեւել է նաեւ ժողովրդական արտիստի ընտանիքի մթնոլորտին եւ նրա ու երիտասարդ կնոջ հարաբերություններին: «Հաճույք էի ստանում քնքուշ ու սրտաշարժ հարաբերություններից: Եղել եմ նաեւ նրանց հարսանիքին: Մտածում էի՝ Արմեն Բորիսովիչի բախտը բերել է, որ այդ տարիքում կողքին սիրող ու հոգատար մարդ է գտել»,- խոստովանել է Դմիտրին kp.ru-ի հետ զրույցում:

Խառատյանը նշել է, որ մինչեւ հիմա չի հասկանում, թե ինչպես կարող էին միմյանց այդքան մտերիմ մարդիկ վիճել, այն էլ՝ այսպիսի սկանդալային ձեւով: «Իմ գլխում չի տեղավորվում, թե ինչպես է այդ «Աստծո պարգեւը» նրանց հարաբերություններում ինչ-որ ապոկալիպսիսի վերափոխվել»,- նշել է դերասանը: Նա համոզված է, որ Ջիգարխանյանը եւ նրա կինը դեռեւս հաշտվելու շանս ունեն, նրանք պետք է անձամբ հանդիպեն, առանց վկաների եւ խոսեն միմյանց «աչքերի մեջ նայելով»: Ճիշտ է, դերասանը հնարավոր է համարում, որ նրանք, միեւնույն է, ապագայում կբաժանվեն, սակայն գոնե «որպես թշնամիներ չեն բաժանվի»:

Հիշեցնենք, որ Արմեն Ջիգարխանյանը կտրականապես հրաժարվում է Վիտալինայի հետ շփվել՝ նրան «գող» անվանելով եւ պնդելով, որ յուրացրել է իր ամբողջ կարողությունը, մասնավորապես՝ Մոսկվայի 2 տները: Իսկ Ցիմբալյուկ Ռոմանովսկայան իր հերթին նշում է, որ ժողովրդական արտիստից բաժանվելու հարցում մեղավոր է նրա մտերիմ ընկեր գործարար Արթուր Սողոմոնյանը, որն իբր դերասանի մոտ իր մասին վատ է խոսել:

NEWS.am

Այս թեմայով Արմեն Ջիգարխանյանի ժառանգությանը տիրացել են կողմնակի մարդիկ Ցիմբալյուկ-Ռոմանովսկայան 84-ամյա Արմեն Ջիգարխանյանից մեկ մլն ռուբլի է պահանջում Արմեն Ջիգարխանյանին դուրս են գրել հիվանդանոցից Արմեն Ջիգարխանյանը հոսպիտալացվել է և գտնվում է վերակենդանացման բաժանմունքում Ջիգարխանյանի նախկին կինն ամուսնալուծությունից հետո առաջին անգամ անկեղծացել է (տեսանյութ)