Երեկ եղել եմ Ոսկեպարում, բավականին բարդ վիճակ է. Սեյրան Օհանյան

Ես երեկ եղել եմ Ոսկեպարում, հանդիպել եմ Ոսկեպարի մեր հայրենակիցների հետ: Այս մասին Հրազդանում քաղաքացիների հետ տեղի ունեցած հանդիպման ժամանակ ասաց ԱԺ «Հայաստան» խմբակցության ղեկավար Սեյրան Օհանյանը:

«Բավականին բարդ վիճակ է, վչդովված է ժողովուրդը: Վրդովված է նրանից, որ ոչ թե թշնամի կա դիմցը, այլ վրդովված է նրանով, որ երկրի ղեկավարությունը գալիս է սահման և փոխանակ ոգևորի, փոխանակ համապատասխան պայմաններ ստեղծի մեր երկրի անվտանգությունը ամրապնդելու համար՝ վախեցնում է պատերազմով»,- նշեց նա:

Նշենք, որ հանդիպումը քաղաքացիների հետ տեղի է ունենում Հրազդանի Դրամատիկական Թատրոնում։ Մասնակցում են ԱԺ «Հայաստան» խմբակցության ղեկավար Սեյրան Օհանյանը, խմբակցության պատգամավորներ Իշխան Սաղաթելյանը, Լիլիթ Գալստյանը, Աննա Գրիգորյանը, Էլինար Վարդանյանը, Քրիստինե Վարդանյանը, Արթուր Խաչատրյանը և Աշոտ Սիմոնյանը։