Մոսկվան գրեթե ամեն օր շփվում է Բաքվի եւ Երեւանի հետ տրանսպորտային կապերի վերաբերյալ. Օվերչուկ
Մոսկվան գրեթե ամեն օր շփվում է Բաքվի եւ Երեւանի հետ Ադրբեջանի եւ Հայաստանի միջեւ տրանսպորտային կապերի ապաշրջափակման վերաբերյալ, ՊՄՏՀ շրջանակում «ՌԻԱ Նովոստի»-ին ասել է Ռուսաստանի փոխվարչապետ Ալեքսեյ Օվերչուկը։
«Ռուսաստանը մասնակցում է բանակցություններին, առաջարկում լուծումներ, ապահովում կապը Ադրբեջանի եւ Հայաստանի փոխվարչապետերի միջեւ, հարթակ երկխոսության համար։ Ես երբեք չեմ պատասխանում այն հարցին, թե հատկապես երբ է տեղի ունենալու ապաշրջափակումը եւ որքան արագ կամ դանդաղ են կողմերը պայմանավորվելու, երբ դա տեղի կունենա»,- ասել է նա։
Օվերչուկը նաեւ տեղեկացրել է, որ Պետերբուրգի միջազգային տնտեսական համաժոովի շրջանակում Ադրբեջանի փոխվարչապետ Շահին Մուսթաֆաեւի հետ քննարկել է այն հարցերը, որոնք մնացել են չլուծված Մոսկվայում Ադրբեջանի եւ Հայաստանի գործընկերների հետ հանդիպումից հետո։
«Հիմնական աշխատանքը կատարվում է մշտապես։ Մենք շփում ենք ունենում ադրբեջանական եւ հայկական կողմերի հետ տրանսպորտային կապերի ապաշրջափակման վերաբերյալ գրեթե ամեն օր։ Դա իսկապես այդպես է։ Մենք մշտապես շփվում ենք՝ հեռախոսազանգերով, ֆայլեր փոխանակելով։ Աշխատանքն ընթանում է ո՛չ հանդիպումից հանդիպում»,- ասել է նա՝ պատասխանելով եռակողմ աշխատանքային խմբի հաջորդ հանդիպման ժամկետի մասին հարցին։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Քարից մինչև արձան. Գիտնականները առաջին անգամ ցույց են տվել Զատկի կղզում մոայիի ստեղծումը
Մայր Աթոռի հայտարարությունը
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
54-ամյա Քրիստինա Օրբակայտեն լողազգեստով ցուցադրել է կազմվածքը
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
Քեյթ Միդլթոնը բացահայտել է իր արտաքինի մասին զարմանալի գաղտնիք
Հայտնի է երկրի ամենախիտ բնակեցված քաղաքը