ԱՄՆ-ը շարունակում է հավատարիմ մնալ Հայաստանի ու Ադրբեջանի միջև խաղաղ գործընթացին.պետքարտուղարություն
ԱՄՆ պետքարտուղարության փոխխոսնակ Վեդանտ Փաթելը մայիսի 2-ին կայացած լրագրողների հետ ճեպազրույցի ընթացքում պատասխանել է Հայաստանի ու Ադրբեջանի արտգործնախարարների Վաշինգտոնում ընթացող բանակցությունների մասին հարցերին:
Այդ մասին հայտնում է «Ամերիկայի ձայնը»։
Փաթելն իր խոսքում նշել է, որ պետքարտուղարությունը չունի որևէ հավելյալ տեղեկություն այս պահին տրամադրելու համար: Նա ընդգծել է կողմերի միջև ուղիղ երկխոսության կարևորությունը՝ կարգավորմանը հասնելու համար և շեշտել, որ ԱՄՆ-ը շարունակում է հավատարիմ մնալ խաղաղ գործընթացին և Հարավային Կովկասում խաղաղ ապագայի խթանմանը:
Ի պատասխան լրագրողի հարցին, թե ովքեր են ընդգրկված Վաշինգտոնում ընթացող բանակցություններում, պետքարտուղարության փոխխոսնակը նշել է.
«Բանակցություններին մասնակից երկու երկրներն իրենք կմեկնաբանեն իրենց պատվիրակությունների մասին: Ամերիկյան կողմից մենք ունենք մի շարք պաշտոնյաներ, որոնք խորապես ներգրավված են այս հարցում: Ակնհայտորեն, Կովկասյան բանակցությունների գծով ավագ խորհրդական Լուիս Բոնոն խորապես ներգրավված է ոչ միայն այս հանդիպումների շրջանակում, այլև Հարավային Կովկասում իր շարունակական ներգրավվածության միջոցով: Ինչպես գիտեք՝ պետքարտուղար Բլինքենը երեկ առավոտյան մասնակցել է լիագումար նիստին, իսկ կիրակի երեկոյան հյուրընկալել նախարարներին ընթրիքի ընթացքում: Այսպիսով, մենք կշարունակենք խորապես ներգրավված մնալ այստեղ»,- ասել է նա:
Վեդանտ Փաթելը հրաժարվել է պատասխանել այն հարցին, թե արդյոք պետքարտուղար Բլինքենը պատրաստվում է կրկին հանդիպել կողմերի հետ՝ նշելով. «Ես չեմ ցանկանում առաջ ընկնել այս շաբաթվա ժամանակացույցից»: Նա նաև չի տրամադրել որևէ մեկնաբանություն ընթացող բանակցությունների հնարավոր արդյունքների ու սպասումների կապակցությամբ՝ շեշտելով՝ մենք կսպասենք այս գործընթացի ավարտին մեկնաբանություն անելուց առաջ:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Քարից մինչև արձան. Գիտնականները առաջին անգամ ցույց են տվել Զատկի կղզում մոայիի ստեղծումը
Մայր Աթոռի հայտարարությունը
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
54-ամյա Քրիստինա Օրբակայտեն լողազգեստով ցուցադրել է կազմվածքը
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
Քեյթ Միդլթոնը բացահայտել է իր արտաքինի մասին զարմանալի գաղտնիք
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Հայտնի է երկրի ամենախիտ բնակեցված քաղաքը