Ջիգարխանյանը՝ կնոջ հետ վեճի մասին. եզակի նողկալի պատմություն է

ԽՍՀՄ ժողովրդական արտիստ Արմեն Ջիգարխանյանը, որքան էլ դա ցավալի է, դարձյալ սկանդալի կենտրոնում է հայտնվել, որն օրեցօր միայն աճում է: Դրանից, սակայն, գործը չի հստակվում եւ ավելի խճճված է դառնում:

Տեղի ունեցածի էությունը հայտնի դերասանի եւ նրա երիտասարդ կնոջ՝ Վիտալինա Ցիմբալյուկ Ռոմանովսկայայի միջեւ հնարավոր վեճն է: Այն պատճառով «հնարավոր», որ կինը պնդում է, թե ոչ մի վեճ էլ չի եղել, իսկ Արմեն Բորիսովիչը, որը 57-րդ քաղաքային հիվանդանոցում է, նրա մասին իր դատողություններում ավելի կտրուկ է՝ նա իրեն ամեն ինչից զրկել է, եւ սա դեռ մեղմ է ասված: Դրանից զատ, Արմեն Ջիգարխանյանը Վիտալինային տեսնել չի ցանկանում: Վիտալինան եւս կապ չի հաստատում: Դերասանի քույրը, որը Երեւանում է բնակվում, իր՝ բժշկական վարկածն է առաջադրել: Նա պնդում է՝ իբր եղբայրը շաքարային դիաբետի հետեւանքով բռնկուն է դարձել, եւ այս հիվանդությունն ունի իր հատուկ նյարդային արտահայտությունները:

Իրավիճակը մասամբ պարզաբանել է ինքը՝ Արմեն Ջիգարխանյանը «ՄԿ»-ի հետ զրույցում:

«Շուտով, երբ հիվանդանոցից դուրս գամ, ես քեզ ամեն ինչ կպատմեմ, դա այնքան էլ պարզ չէ եւ այսպես չես հասկանա»,- թղթակցին խոստացել է Արմեն Բորիսովիչը:

Լավ, Արմեն Բորիսովիչ, կսպասենք, բայց մինչ այդ միայն մի բան ասեք՝ Ձեզ ինչպե՞ս եք զգում:

Նորմալ, նորմալ: Արդեն ավելի լավ եմ: Ես կանխարգելման նպատակով եմ պառկել: Հավատա, ես ոչ մի բան չեմ հորինում, եզակի նողկալի պատմություն է, պարզապես անհնար է ասել:

Սակայն Ձեր քույրը՝ Մարինան, կարծում է, որ սա իբր դիաբետի արտահայտություն է:

Որովհետեւ նա մտածում է, թե իր եղբորը փրկում է: Չպարզելով, ոչ մի բան չհսկանալով…Այդպիսի բժիշկներ կան՝ հիվանդին չզննելով, դեղ են դուրս գրում, իսկ դրանից միայն վնաս է ստանում: Ես պետք է թատրոն վերադառնամ եւ ամեն ինչ ինքս լուծեմ:

NEWS.am