«Ես աղոթում եմ, որ Աստված մի դուռ բացի էս անվերջանալի բոթերի ու ողբերգությունների գնացքից դուրս գալու». Նազենի Հովհաննիսյան

Հաղորդավարուհի, դերասանուհի Նազենի Հովհաննիսյանն իր ինստագրամյան էջում նոր գրառում է կատարել, որում կիսվել է իր մտքերով։

«Ես աղոթում եմ, որ Աստված մի դուռ բացի մեզ՝ մոլորված ժողովրդին... դուռը բացի՝ Խավարից դուրս բերելու, նորից որոշում կայացնելու և միակամ՝ պետություն ունենալու կամք տալով, դուռը բացի էս անվերջանալի բոթերի ու ողբերգությունների գնացքից դուրս գալու:

Դուռը բացի ժողովրդի մտքի պայածառությունը վերստին վերագտնելու, հասկանալու սխալները, պայքարելու ու ոտքի կանգնելու:

Դուռը բացի դեպի կյանքի ու ծնունդի ճանապարհ, ոչ թե թողնի մեզ հոգևոր ու ֆիզիկական մահվան խավարում խարխափելու: Ես պիտի ապրեմ էնքան, որ տեսնեմ էդ ԴՈՒՌԸ ԲԱՑ !!!

Ու պիտի ԲԱՑԵՆՔ էդ դուռը միակամ ու բոլորով, որ ապրենք:

Այլապես էս փակ շրջանն անվերջ կլինի:

Արդ, Տե՛ր իմ և Աստվա՛ծ իմ Հիսուս Քրիստոս՝ բարերար, ողորմած, մարդասեր, անոխակալ և անհիշաչար, մի՛ փակիր դուռը Քո արքայության, արժանացրո՛ւ ինձ՝ անարժանիս, լույսի երանությանը և կատարյալ պարգևներին, անսպառ հավիտենական ուրախությանը, սրբերի ու արդարների բարի վարձքին՝ մշտապես վայելելու երանելիների փառքը: Ամեն!», - գրել է Նազենին։

 

 

 

View this post on Instagram

A post shared by Nazeni Hovhannisyan (@nazenihovhannisyan)