Պանաման դադարեցրել է «պանամյան փաստաթղթերի» հետաքննությունը
Պանամայի իշխանությունները դադարեցրել են տեղական Mossack Fonseca իրավաբանական ընկերության փաստաթղթերի արտահոսքի վերաբերյալ գործի հետաքննությունը, որոնցից հետեւում էր, որ ընկերությունն արտասահմանյան քաղաքական գործիչներին, ձեռնարկատերերին եւ աստղերին օգնել է օֆշորային հաշիվներ բացել եւ դրանք կառավարել: Այս մասին հայտնում է BBC-ի ռուսական ծառայությունը:
Պանամայի գլխավոր դատախազի խոսքով՝ հետաքննությունը դադարեցնելու պատճառը երկրի Սահմանադրական դատարանի ստացած բողոքն է քննիչների գործողությունների դեմ, որի համաձայն նրանք խախտում են սահմանադրությունը:
Հետաքննությունը չի վերսկսվի մինչեւ Սահմանադրական դատարանի կողմից բողոքի քննումը:
Mossack Fonseca ընկերության միլիոնավոր գաղտնի փաստաթղթերի արտահոսքի մասին հայտնի է դարձել անցյալ տարվա ապրիլին: Փաստաթղթերում հիշատակվում են երկրների գործող կամ նախկին 72 ղեկավարներ, նաեւ բարձրաստիճան պաշտոնյաներ, բիզնեսմեններ եւ մշակույթի գործիչներ:
Ընկերության հիմնադիրների խոսքով՝ փաստաթղթերը լրատվամիջոցներում են հայտնվել ընկերության վրա հաքերային հարձակումից հետո: Mossack Fonseca-ի հիմնադիրը հայտարարել է, որ ընկերությունը ապօրինի գործունեությանը չի մասնակցել, եւ նյութերի հրապարակումը հանցագործություն է համարել: Այդուհանդերձ, Պանամայի դատախազությունը հայտարարել է, որ պատրաստ է «պանամյան փաստաթղթերում» հիշատակված ապօրինի ստեղծված օֆշորային ընկերությունների դեպքերով հետաքննություն սկսել:
Մահացել է ՀՀ վաստակավոր արտիստ Արտաշես Ալեքսանյանը
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...
Սահմանազատում, ԹՐԻՓՓ և բարեփոխումներ. ԱԺ պաշտպանության հանձնաժողովի նախագահը հանդիպել է ՀՀ-ում ԵՄ քա...