Փաշինյանը գնում է Հայաստանի անունից պայմաններ և պահանջներ ընդունելու և վերադառնալու․ Էլինար Վարդանյան

Բոլորիս մոտ մտահոգություն է, թե ինչ է Փաշինյանը «բանակցելու» Բրյուսելում։ Ավելի ճիշտ կլինի ասել՝ ինչ են Բրյուսելում պարտադրելու Փաշինյանին։

Փաշինյանը գնում է Հայաստանի անունից պայմաններ և պահանջներ ընդունելու և վերադառնալու։ Ֆրանսիայի հրապարակում Հայաստանի առջև կանգնած մարտահրավերները և լուծումները թեմայով քննարկման ժամանակ ասաց Հայաստան խմբակցության պատգամավոր Էլինար Վարդանյանը։

«Ամենալուրջ մարտահրավերներից մեկը՝ վերացնել այն չարությունը, որը սերմանել են այս իշխանությունները։ Այդ ատելությունը կարող է պայթել մի տեղ, որտեղ մենք ինքներս էլ չենք պատկերացնում։ Մեր խնդիրը պետք է լինի հասարակության մեջ համերաշխության մթնոլորտ ստեղծելը։ Հաջորդ մարտահրավերը, որը առկա է մեր պետությունում՝ ժողովորդավարության իսպառ բացակայությունն է։ ՀՀ-ում այսպիսի հեղհեղուկ ժողովրդավարություն դժվար էր պատկերացնել»,-ասաց Վարդանյանը։

Մանրամասն՝ տեսանյութում։