Բայդեն. Արգելվում է ռուսական նավթի եւ գազի ներմուծումը ԱՄՆ
ԱՄՆ-ն արգելում է ռուսական նավթի եւ գազի ներմուծումը։ Այս մասին հայտարարել է ԱՄՆ նախագահ Ջո Բայդենը։
«Այսօր ես հայտարարում եմ, որ Միացյալ Նահանգները թիրախավորել է Ռուսաստանի տնտեսության գլխավոր զարկերակը։ Մենք արգելում ենք ռուսական նավթի, գազի եւ էներգիայի ցանկացած ներկրում»,- ասել է Բայդենը Սպիտակ տանը։
«Սա նշանակում է, որ ռուսական նավթն այլեւս չի ընդունվի ԱՄՆ-ի նավահանգիստներում, եւ ԱՄՆ-ի ժողովուրդը եւս մեկ հզոր հարված կհասցնի Պուտինի ռազմամեքենային...Այս քայլով մենք Պուտինին էլ ավելի մեծ ցավ կպատճառենք»,- ասել է Բայդենը։
Բայդենը խոստովանել է, որ ԱՄՆ-ում ռուսական նավթի, բնական գազի եւ ածուխի ներմուծման արգելքը կունենա իր գինը, սակայն օրենսդիրները միասնական են իրենց գործողություններում։
«Այսօրվա որոշումը թանկ կարժենա։ Պուտինի պատերազմն արդեն վնաս է հասցնում լցակայանում ամերիկյան ընտանիքներին։ Այն պահից ի վեր, երբ Պուտինը սկսեց ռազմական ուժեր կուտակել Ուկրաինայի հետ սահմանին, Ամերիկայում գազի գինը բարձրացավ 75 տոկոսով։ Այս որոշմամբ այն կշարունակի բարձրանալ...ես պատրաստվում եմ անել ինձնից կախված ամեն ինչ՝ նվազագույնի հասցնելու պուտինյան թանկացումներն այստեղ՝ տանը»,- ասել է Բայդենը։
Նա նաեւ դիմել է ամերիկյան նավթագազային ընկերություններին՝ նշելով, որ պատերազմը եւ դրա հետեւանքները «արդարացում չեն գների աճի համար»։ Նա հավելել է, որ ինքը դա չի հանդուրժի։ «Ռուսական ագրեսիան թանկ է նստում բոլորիս վրա։ Ես ուզում եմ հստակ ասել, թե ինչը չենք հանդուրժի»,- ասել է նա։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան