ԱՄՆ Սենատը հավանություն է տվել պաշտպանական քաղաքականության նոր օրինագծին

ԱՄՆ Սենատը երեկ հավանություն է տվել պաշտպանական քաղաքականության նոր օրինագծին, որը կոչ է անում Պենտագոնին պայքարել ռուսական քարոզչության դեմ և սկսել նոր թևավոր հրթիռների արտադրությունը, ինչը, քննադատների համոզմամբ, կհանգեցնի «սառը պատերազմի» ժամանակ կնքված առանցքային համաձայնագրի վախճանին։

Նոր հրթիռի արտադրության համար Պենտագոնը կարող է 65 միլիոն դոլար ծախսել։

Միացյալ Նահանգները հայտարարում է, որ Ռուսաստանը խախտել է 1987 թվականի Միջուկային զենքի համաձայնագիրը, և այս նոր օրինագիծը, ըստ էության, պատասխան քայլ է։

Ռուսաստանը, մինչդեռ, հերքել է մեղադրանքները, թե հրթիռ է գործարկել՝ խախտելով 1987-ին կնքված առանցքային համաձայնագիրը։

1215-էջանոց փաստաթղթի մեկ այլ կետով էլ նախատեսվում է ընդլայնել ԱՄՆ կառավարության արգելքը՝ օգտագործելու Kaspersky Lab-ի ծրագրերը պետական կառույցների համակարգիչներում։

Հիշեցնենք, Միացյալ Նահանգների կառավարությունը անցած շաբաթ բոլոր դաշնային գործակալություններին հրահանգել է հանել Kaspersky Lab-ի ծրագրերը՝ վկայակոչելով այդ ընկերության պաշտոնյաների և ռուսական հետախուզության ու կառավարության միջև կապը: Կրեմլը հայտարարել է, որ այդ որոշումը հակասում է արդար մրցակցության կանոններին:

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման