«Ազատ Եվրոպա/Ազատություն» ռադիոկայանը Ադրբեջանի դեմ դիմում է Եվրադատարան
«Ազատ Եվրոպա/Ազատություն» ռադիոկայանը Մարդու իրավունքների եվրոպական դատարան (ՄԻԵԴ) է դիմել՝ խնդրելով լուծել Ադրբեջանի կառավարության պնդումները, որոնք խոչընդոտում են լրատվամիջոցի աշխատանքը այդ երկրում արդեն գրեթե երեք տարի:
«Մենք ի վիճակի չեղանք որևէ առաջընթացի հասնել այդ մեղադրանքները Ադրբեջանի դատական համակարգի միջոցով մաքրելու հարցում», - հայտարարել է «Ազատ Եվրոպա/Ազատություն» ռադիոկայանի նախագահ Թոմաս Քենթը՝ շեշտելով․ - «Մեղադրանքները հիմնազուրկ են, և քանի որ Ադրբեջանը ընդդատյա է ՄԻԵԴ-ին, մենք որոշեցինք մեր գործը բերել այստեղ»:
«Ազատություն» ռադիոկայանի Բաքվի բյուրոն, հիշեցնենք, խուզարկվեց և փակվեց 2014 թվականի դեկտեմբերին այդ թվում հարկային չարաշահումների մեղադրանքներով, որոնք լրատվամիջոցը հերքում է և կեղծիք որակում: Թեև «Ազատություն»-ը ջանում է հարկային գործը բողոքարկել երկրի բոլոր մակարդակների դատական ատյաններում, Գերագույն դատարանը որոշել է առկախել հետագա վերանայումը մինչև զուգահեռ մեկ այլ՝ քրեական գործի քննության ավարտը: «Ազատության» փաստաբանները վիճարկում են քրեական քննության վավերականությունը, որը սկսվել է լրատվամիջոցի Բաքվի գրասենյակ ներխուժմամբ և ձգձգվում է՝ չնայած մինչև 2016-ի վերջը այն ավարտելու՝ ադրբեջանական օրենսդրության պահանջին:
Վերոհիշյալը, ինչպես Թոմաս Քենթն է ընդգծել, հիմք է տալիս եզրակացնելու, որ այսպես կոչված հետաքննությունը իրականում ռադիոկայանի Բաքվի բյուրոն լռեցնելու նպատակ է հետապնդում՝ նաև սպառնալից մթնոլորտ ստեղծելով լրագրողների համար:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Բագրատ Սրբազանի խափանման միջոցը փոխելու միջնորդություն է ներկայացվել
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Կիևի պահանջները նման են անհատակ փոսի․ Սիյարտո
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...