Իրավիճակը հայ-ադրբեջանական սահմանին կայուն է, բայց լարված. ՀԱՊԿ գլխավոր քարտուղարի տեղակալ

Հայ-ադրբեջանական սահմանին տիրող իրավիճակը համեմատաբար կայուն է, բայց լարվածությունը մնում է։ Այս մասին հայտարարել է ՀԱՊԿ գլխավոր քարտուղարի տեղակալ Վալերի Սեմերիկովը՝ հարցազրույցում անդրադառնալով Կովկասում տիրող իրավիճակին։ Ըստ Սեմերիկովի, կան մի շարք հարցեր, որոնք նպաստում են այդ լարվածությանը, այն է՝ չճշտված սահմաններ, եռակողմ հայտարարության ոչ ամբողջական կատարում։

«Լարվածությունը պայմանավորված է առաջին հերթին սահմանների չկարգավորված լինելու, ռազմագերիների փոխանակման գործընթացի անավարտ լինելու հանգամանքով։ Լուծումներ են պահանջում նաև այն հարցերը, որոնք նախանշվել են պետությունների ղեկավարների կողմից ստորագրված եռակողմ հայտարարության մեջ»,- նշել է Սեմերիկովը: