Իրանը հասկացնում է՝ ադրբեջանցիները պետք է մոռանան Մեղրիով միջանցքի մասին, ինչի մասին երազում են
Ամեն բան տեղի է ունենում մթության քողի տակ: Որևէ տեղեկություն քաղաքական ուժերը, ոչ էլ հանրությունը չունեն Փաշինյան-Պուտին հանդիպման մասին:ՈՒստի Այս դեպքում դժվար է ասել՝ ի՞նչ ակնկալիք կարող ենք ունենալ, քանի որ ամեն ինչ շատ ստվերային և գաղտնի է: «Փաստինֆո»-ի հետ զրույցում ասաց «Հայաստան» խմբակցության պատգամավոր Գեղամ Նազարյանը՝ անդրադառնալով վաղը Մոսկվայում կայանալիք Նիկոլ Փաշինյանը-Պուտին հանդիպմանը:
Հիշեցնենք, որ երկու օր առաջ ադրբեջանցի դիպուկահարի կրակոցից իր այգում աշխատելիս սպանվել էր արցախցի 55-ամյա տղամարդը: Հատկանշական է, որ միջադեպը տեղի է ունեցել ռուս խաղաղապահների ներկայությամբ:
Դիտարկմանը, որ ամեն հանդիպումներից առաջ Ադրբեջանը հերթական անգամ սադրանքի է դիմում՝ փորձելով ավելի սրել իրավիճակը, Գեղամ Նազարյանը պատասխանեց.
«Դա Ադրբեջանի բնույթն է, ամեն հանդիպումից առաջ «ատամներ է ցույց տալիս», այս անգամ էլ այդ ատամն ուղղված է Ռուսաստանին:Ադրբեջանը փորձում է ասել, որ կարող է դիմել ավելի լուրջ սադրանքների, թե որքանո՞վ սա կազդի ռուսական կողմի վրա՝ դժվար է ասել, բայց հայկական կողմը, նկատի ունեմ այսօրվա վարչախումբը, ազդվելու որևէ խնդիր չունի, նրանք այնքան են ճնշված, որ չեն ուզում հայտարարել անգամ՝ Շուշին և Հադրութը բռնազավթված են, չեն ուզում արձագանքել Իլհամ Ալիևի հոխորտանքներին»,-ասաց պատգամավորը:
Անդրադառնալով մեր տարածաշրջանում տեղի ունեցող բուռն զարգացումներին՝ Գեղամ Նազարյանն արձանագրեց, որ բոլոր երկրները պաշտպանում են իրենց շահերը,իսկ Հայաստանը իր շահերի պաշտպանությունը հանձնել է այլ երկրների: Ավելին՝ այս իրավիճակում Հայաստանն անգամ ի վիճակի չէ ինքնուրույն քայլեր անել՝ շահեկան իրավիճակում հայտնվելու համար:
Դիտարկմանը, որ վերջին շրջանում ակնհայտորեն լարվել են ադրբեջանա-իրանական հարաբերությունները, թե ի՞նչ կարող է շահել հայկական կողմը այս իրավիճակից և այս ուղղությամբ որո՞նք պետք է լինեն մեր քայլերը, զրուցակիցը պատասխանեց.
«Ադրբեջանի և Իրանի հարաբերությունները Իրանի շուրջ ծավալվող գործողությունների մի մասն են: Իրանը հասկանում է, որ Գորիս-Կապան ճանապարհին ադրբեջանական անցակետի հայտնվելը առաջին հերթին ոչ թե Հայաստանի, այլ՝ Իրանի դեմ ուղղված քայլ է: Եւ Իրանն այսօր իր գործողություններով, զորավարժություններով ցույց է տալիս, որ ադրբեջանցիները պետք է մոռանան Մեղրիով միջանցքի մասին, ինչի մասին այդքան երազում են , որովհետև դա չի բխում Իրանի շահերից; Իրանը ոչ թե Հայաստանի շահերն է պաշտպանում, այլ նրա շահերը համընկնում է մեր շահերի հետ, քանի որ հասկանում է, որ իրեն կտրում են դեպի Եվրոպա և Ռուսաստան տանող միակ վստահելի ճանապարհից»,-ասաց Գեղամ Նազարյանը:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան