Սիրելի' ժողովուրդ, համախմբվելու, մեր երկիրն ու պետականությունը ոչնչացման վտանգից փրկելու հրամայականը կենսական անհրաժեշտություն է
ԱԺ փոխնախագահ, ՀՅԴ ԳՄ ներկայացուցիչ Իշխան Սաղաթելյանը գրում է․
Սիրելի' հայրենակիցներ
Թուրք-ադրբեջանական տանդեմը ՀՀ տարածքային ամբողջականությունը խախտելուց հետո հայ ժողովրդի նկատմամբ սանձազերծել է հերթական հանցագործությունը՝ փակելով կենսական նշանակության ճանապարհները՝ Հայաստանի հարավում ստեղծելով հումանիտար ճգնաժամ։
Հայաստանի Հանրապետության իշխանությունների պարտվողական քաղաքականությունը, տարածաշրջանում խաղաղություն հաստատելու, բայց իրականում նոր կապիտուլյացիայի գնալու ցանկությունը, ինչպես նաև խաղաղության միակողմանի քարոզը մեզ կանգնեցրել են հերթական դժբախտության շեմին։
Գործադիր իշխանությունն՝ իր ղեկավարով հանդերձ, շարունակում է չհասկանալ, որ տարածաշրջանային խաղաղության հաստատումը ենթադրում է երկկողմանի կամք ու ցանկություն, ինչն ադրբեջանական կողմում իսպառ բացակայում է։
Ադրբեջանի կողմից Հայաստանի Հանրապետության նկատմամբ տարածքային պահանջների պայմաններում ի պաշտոնե Հայաստանի շահերի պաշտպանությանը կոչված անձը Սյունիքի հայկական տարածքները խայտառակ կերպով կոչում է ադրբեջանական անվանումներով՝ տուրք տալով Ալիևի ցինիկ պահանջներին։
Սիրելի' հայրենակիցներ, ինչպես պնդում էինք նախընթաց ամիսներին՝ մեր երկիրը վտանգի տակ է, ճգնաժամը՝ չհաղթահարված։
Փաստ է, որ գործող իշխանությունը ոչ ցանկություն, ոչ էլ, առավել ևս, կարողություն ունի համախմբելու մեր հասարակությունը և պաշտպանելու մեր ժողովրդին ու պետականությունը։
Թշնամին օր օրի ավելի է լկտիանում՝ փորձելով հասնել մեր պետության անվտանգային համակարգի ամբողջական կազմաքանդմանը, տարածքի մի կարևոր հատվածի նվաճմանը և էթնիկ զտմանը։ Այս պայմաններում, գործող իշխանությունը հայտարարում է Թուրքիայից դրական ազդակների մասին։ Փաստորեն, թուրք-ադրբեջանական ծավալապաշտական քայլերի ու գործողությունների իշխանական ընկալումն այդպիսին էր։
Սիրելի' ժողովուրդ, համախմբվելու, մեր երկիրն ու պետականությունը ոչնչացման վտանգից փրկելու հրամայականը կենսական անհրաժեշտություն է։
Ալիևին վերստին զգուշացնում ենք՝ հայ ժողովուրդը չի' հանդուրժել և չի' հանդուրժելու ևս մեկ կապիտուլյացիա, իսկ իր և Նիկոլի պայմանավորվածությունները մնալու են իբրև իրենց անձնական հարաբերությունների վերհուշ։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան