Գերմանիայի խորհդարանական ընտրություններին կա 92 ազգությամբ թուրք թեկնածու

Սեպտեմբերի 24-ին Գերմանիայում կայանալիք խորհրդարանական ընտրություններին կմասնակցի ծագումով 92 թուրք գործիչ: Ըստ թուրքական «Haberler.com» լրատվական կայքի՝ ազգությամբ թուրք թեկնածուների քանակը այս անգամ ռեկորդային է։ Նախորդ ընտրություններին կար ավելի քիչ թեկնածու և արդյունքում ընտրվեց ընդամենը 11 թուրք պատգամավոր:
Այս ընտրությունների արդյունքում սպասվում է, որ խորհրդարան կմտնի ազգության թուրք 15 պատգամավոր:
Մասնավորապես երկրի «Սոցիալ դեմոկրատական կուսակցություն» (SPD)-ից Համբուրգ նահանգից առաջադրվելու է Ջանսելմ Քըզըլթեփեն և Գերմանիայի միգրացիայի և ինտեգրման հարցերով թուրք նախարար Այդան Օզողուզը, «Կանաչների» կուսակցությունից՝ Ջեմ Օզդեմիրը, ինչպես նաև Էքին Դելիգյոզը: «Ձախերի» կուսակցության թեկնածուների ցուցակում է լինելու Սեվիմ Դաղդելենը: Վերջինս հայտնի է իր կոշտ վերբերմունքով Թուրքիայի նախագահ Ռեջեփ Թայիփ Էրդողանի դեմ:

Աղբյուր` Ermenihaber.am