Գնդակը` զենք. Հանրապետության հրապարակից մինչև Եռաբլուր. Սևակ Շուշանյանի նոր ռեկորդը` նվիրված 44-օրյա պատերազմի հերոսներին (Տեսանյութ)
Արմավիր քաղաքի բնակիչ, բազմաթիվ ռեկորդների հեղինակ Սևակ Շուշանյանն առաջին անգամ չէ, որ զարմացնում և հիացմունք է պատճառում իր երկրպագուներին։ Գնդակը` զենք դարձրած մեր հերոսը դրսևորում է արտասովոր կամքի ուժ։ Նպատակ է դնում, ձգտում է և հասնում է նպատակակետին։
Արդեն 6 ռեկորդ գրանցած Սևակ Շուշանյանն այս օրվան երկար էր սպասել։ Պատասխանատու և կարևոր քայլ, որով իր սրտի ձայնն է բարձրացնում և հերթական ռեկորդը նվիրում է 2020թ-ի արցախյան 44-օրյա պատերազմի հերոսներին։
Սևակն առաջին անգամ չէ, որ իր ռեկորդը նվիրում է անմահ հերոս տղաներին։
Վառ պահելով և հարգելով քաջ զինվորների հիշատակը նա, այս անգամ, ոտքով գնդակ խաղալով 1ժամ 52 րոպեում Հանրապետության հրապարակից շարժվեց մինչև Եռաբլուր, որտեղ ներկաների հետ միասին կատարեցին մոմավառություն և խնկարկում` հարգանքի տուրք մատուցելով անմահ հերոսներին։
Ներկաների մեջ էին նաև քաջարի հերոս, 44-օրյա պատերազմի խորհրդանիշ դարձած Ալբերտ Հովհաննիսյանի հայրը, ինչպես նաև այլ հերոս տղաների ծնողներ և հարազատներ։
Ներկա էին նաև «Դյուցազնագիրք» դյուցազունների ասոցիացիայից հանձնաժողովի անդամներ, ինչպես նաև ողջ ընթացքը հսկել և ներկաների անվտանգությունն ապահովել է ՀՀ ճանապարհային ոստիկանությունը։
«Դյուցազնագիրք» դյուցազունների ասոցիացիա ՀԿ նախագահ Վարդան Թովմասյանի խոսքերով, 33-ամյա Սևակ Շուշանյանը գերազանցում է իր սպասելիքները և միշտ փորձում է անել ավելին, ինչը շատ ողջունելի է` հատկապես, երբ նպատակային է։
«Հայ ազգը պայքարող է` բազմաթիվ դժվարություններ վերապրած։ Ողջունելի է Սևակի քայլը։ Եվս մեկ անգամ հավերժացվեց հայրենիքի համար զոհված քաջարի մարտիկների վառ հիշատակը։
Շնորհակալություն նաև ՀՀ ճանապարհային ոստիկանությանը` գերազանց աշխատանքի համար», - նշեց Վարդան Թովմասյանը։
Ի դեպ, Սևակ Շուշանյանը 1ժամ 52 րոպե անընդմեջ քայլելով մինչև Եռաբլուր` գնդակը վայր չի գցել։
«Իմ այս քայլն ինքնանպատակ չէ։ Կրելով այս շապիկը և այսկերպ հասնելով մինչև Եռաբլուր ցանկանում եմ վառ պահել մեր տղաների հիշատակը։ Իրենց շնորհիվ է, որ այսօր ապրում ենք։ Ցանկանում եմ մեր յուրաքանչյուր նահատակի վառ հիշատակը ըստ արժանվույնս իմ մեջ կրեմ և, ինչու ոչ, նաև ամբողջ աշխարհին ներկայացնեմ հայի անկոտրում և հզոր տեսակը», - ասաց Շուշանյանը։
Տեսանյութեր`
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան