«Դա հենց մահվան ճանապարհն է. մենք գծում ենք մեր մահվան քառուղին». Սերժ Սրապիոնյան
ԵՊՀ հայ գրականության պատմության ամբիոնի դասախոս, գրականագետ Սերժ Սրապիոնյանի կարծիքով՝ գործող իշխանությունների ցանած որոմը տվել է իր ծիլերը, հասկացել են, որ բումերանգը սկսել է ետ շրջապտույտ անել, դրա համար Քրեական օրենսգրքում փոփոխություններ են կատարում:
«Ընդունում են օրենք, որպեսզի հայհոյողներից մի քանիսի տանեն-փակեն, էն մի քանիսն էլ ասեն՝ հայհոյելու համար մարդկանց փակել են, մենք էլ չհայհոյենք, բայց կգտնեն հայհոյելու ուրիշ եղանակ, օրինակ՝ սյունյաց ողջույնը: Այնպես որ, սա չգործող օրենք է»,- 168TV-ի «Ռեվյու» հաղորդման ընթացքում ասաց նա:
Գրականագետը կասկած չունի՝ առաջիկայում նոր ընդդիմադիր շարժում կձևավորվի. «Նույնիսկ ամենալավատես մարդիկ, որոնք այս իշխանության հետ հույսեր են կապում, արդեն իսկ սահմանամերձ շրջանների իրենց հարազատներից լսում են, թե ինչ է տեղի ունենում նրանց հետ»:
Դիտարկմանը՝ այդ հարազատների մի մասն էլ է Փաշինյանին ընտրել, նա արձագանքեց. «Գիտեք, շատ դժվար է սեփական սխալը խոստովանել, ամեն մեկը չունի այդ խիզախությունը, որ սխալվի և ներողություն հայցի: Դրանց մեջ արդեն կան մարդիկ, որոնց անձամբ ճանաչում եմ, որոնք թեպետ ներողություն չեն խնդրում, որ սխալ ընտրություն են արել, բայց նույն ջերմությամբ հայհոյում են իրենց ընտրությունը: Մարդիկ էլ կան, որ երկուստեք են հայհոյում՝ այսպես կոչված՝ նախկիններին, և այսպես կոչված՝ ներկա-նախկիններին: Սա նշանակում է, որ աստիճանաբար մարդիկ իրենց իսկ սեփական ոսկորի վրա ասեղի ծակոցը զգում են»:
Սերժ Սրապիոնյանը չի հասկանում, թե ինչու են գործող իշխանությունները հայտարարում, թե Հայաստանը Նախիջևանով Իրան կարող է գնալ, եթե ապաշրջափակում տեղի ունենա.
«Որքան հիշում եմ՝ մենք Իրանի հետ ճանապարհ ունենք, Վրաստանի հետ էլ ունենք, հիմա ի՞նչն է փոխվում: Ադրբեջանը կարոտով սպասում է, որ մենք գնանք Ադրբեջան ու Թուրքիա՞: Այդ կարոտը կա՞ ադրբեջանցիների մեջ: Մինչև հիմա մարդիկ ասում են՝ «Էրիվան բիզիմդիր», «Գյոկչա բիզիմդիր», «Բասարգեչար բիզիմդիր»: Այդ մարդիկ այդ նպատակն ունեն, իսկ դու քո ժողովրդին հրամցնում ես մի միտք, թե դա կենսականորեն անհրաժեշտ ճանապարհ է: Դա մահվան ճանապարհն է. մենք գծում ենք մեր մահվան քառուղին, սա է ճշմարտությունը»:
Մանրամասները՝ 168TV-ի տեսանյութում
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան