Թրամփի երդմանակալության ճառի հիմնական ուղերձը՝ «Ամերիկան՝ ամենից առաջ»

Միացյալ Նահանգների նախագահ Դոնալդ Թրամփի երդմնակալության ճառի հիմնական ուղերձն էր՝ «Ամերիկան՝ ամենից առաջ»։ Այս մասին NEWS.am–ի թղթակցի հետ զրույցում ասել է Արեւմտյան Անգլիայի համալսարանի ավագ դասախոս Գյունթեր Վալցենբախը։

Նրա խոսքով, հակառակ թվացյալ պարզությանը, ճառը բաց է մեկնաբանություննեի համար։ «Որպես ընտրված նախագահ Թրամփի՝ ավելի վաղ արված հայտարարությունները եւ քարոզարշավի ընթացքում ելույթները պարզություն չեն մտցրել նրա երկարաժամկետ քաղաքական նպատակների հարցում։ Փոխարենը, հայտնվեց «գործարքներ կնքողի» նրա կերպարը. մարդ, ում նախկին ֆինանսական հաջողությունները եւ միլիարդատերերի ներկայիս կառավարությունը ի զորու են փոփոխել ներքին տնտեսական եւ լուրջ արտաքին քաղաքական խնդիրներ ունեցող դաշնային համակարգը։ Այդուհանդերձ, պետությունը բիզնես չէ, եւ նորընտիր նախագահը պետք է դա արագ ընկալի, եթե մտադիրր է գործել իր պաշտոնավարման առաջին 100 օրվա ընթացքում», – նշեց Գյունթեր Վալցենբախը։

Նրա խոսքով, հնարավոր չէ պարզ զուգահեռներ անցկացնել Թրամփի եւ ցանկացած այլ նախագահի երդմնակալության ճառերի միջեւ, բացառությամբ՝ Ռոնալդ Ռեյգանի եւ Ջորջ Բուշի ճառերի։ «Առաջինի պարագայում՝ գործարարությանը աջակցության լիբերալ օրակարգով Վաշինգտոնի հետնապահի դերի համար։ Իսկ Բուշի պարագայում՝ ծայրահեղական նեոպահպանողական գաղափարախոսությունը կրող քաղաքական խորհրդատուների փոքրիկ խմբի ազդեցության պատճառով։ Այս մասնակի նմանություններից եւ ոչ մեկը, սակայն, չի կարող կանխորոշել այլ քաղաքական առաջնորդների հետ ապագա բախումների մասնավորապես՝ Ռուսաստանի նախագահ Վլադիմիր Պուտինի հետ ենթադրվող հանդիպման հետեւանքները», – շեշտել է Գյունթեր Վալցենբախը։

news.am

Այս թեմայով Թրամփը հինգշաբթի կանցկացնի փակ հանդիպում հետախուզության հետ Իրանը հիմարություն կաներ, եթե գործարք չկնքեր ԱՄՆ-ի հետ․ Թրամփ Թրամփը հայտարարել է, որ ԱՄՆ-ը նախատեսում է սկսել պայքարել թմրանյութերի մաքսանենգության դեմ ցամաքում Թրամփը հայտարարել է, որ ԱՄՆ-ի հետ գործարքից հետո Իրանը պետք է հրաժարվի միջուկային և հրթիռային ծրագրերից Թրամփը կոչ է անում պահպանել կայունությունը Իսրայելի կողմից օկուպացված Արևմտյան ափում