Մակրոն. Վլադիմիր Պուտինին տեսնելու համար ինձ ԵՄ գագաթնաժողովը պետք չէ
ԵՄ-Ռուսաստան գագաթնաժողովի կազմակերպման հարցում կոնսենսուսի հասնել հնարավոր չէր, բայց դա ողբերգություն չէ: Այս մասին այսօր՝ հունիսի 25-ին, հայտարարել է Ֆրանսիայի նախագահ Էմանուել Մակրոնը՝ արդարացնելով Ռուսաստանի նախագահ Վլադիմիր Պուտինի հետ ԵՄ գագաթնաժողով անցկացնելու Ֆրանսիայի եւ Գերմանիայի ձախողված փորձը, գրում է Reuters-ը:
«Արագ գագաթնաժողով անցկացնելու հարցում կոնսենսուս չեղավ: Իմ կարծիքով, դա ողբերգություն չէ: Ամենակարեւորը միասնական մնալն է: Տարաձայնությունները մեզ թուլացնում են»,- ասաց Մակրոնը մամուլի ասուլիսին: Ֆրանսիայի նախագահը մոլորություն է անվանել այն կարծիքը, որ ԵՄ-ն պետք է ամենախիստ դիրքորոշումը որդեգրի Մոսկվայի նկատմամբ՝ չնայած նրան, որ Ռուսաստանը ԵՄ հարեւանն է: Նա ուշադրություն հրավիրեց նրան, որ ԵՄ գործընկեր երկրները նման կոշտ առարկություններ չհայտնեցին, երբ ԱՄՆ նախագահ Ջո Բայդենը հանդիպեց Պուտինի հետ:
«Մենք մի քանի շաբաթ առաջ տեսանք նախագահ Բայդենի հանդիպումը նախագահ Պուտինի հետ: Ես իմ գործընկերներին մատնանշեցի, որ նա նրանց կարծիքը չի հարցրել: Բոլորը տեսնում են, որ նրանք հանդիպում են, եւ դա ոչ մեկին չի զարմացնում: Մենք տարօրինակ ենք»,- ասել է Մակրոնը: Նա շեշտել է, որ իր համար ԵՄ-Ռուսաստան գագաթնաժողովի անցկացումը «մոլուցք» չէ: «Ես անկեղծ կլինեմ, ինձ ԵՄ գագաթնաժողովը պետք չէ՝ Վլադիմիր Պուտինին տեսնելու համար: Ես նրան մի քանի անգամ տեսել եմ որպես նախագահ եւ կշարունակեմ հանդիպել նրա հետ»,- շեշտել է նա:
Մակրոնի եւ Գերմանիայի կանցլեր Անգելա Մերկելի առաջարկած հանդիպումը, ովքեր վերջին տարիներին ձգտում էին պակաս սուր դիրքորոշում ունենալ Ռուսաստանի հետ, պառակտում էր մտցրել Բրյուսելում հավաքված ԵՄ առաջնորդների միջեւ: Ֆրանսիայի եւ Գերմանիայի առաջնորդների գաղափարը մերժվել էր Արեւելաեվրոպական երկրների կողմից, որոնք այն «Մոսկվային ուղղված սխալ ազդանշան էին» համարել:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...