Մարդ կա աշխարհն է շալակած տանում, մարդ կա ելել է շալակն աշխարհի. Շիրակը, Արտուշն ու Կարենը

Ի՞նչ է լինում մարդու հետ, ի՞նչ է կատարվում նրա սրտում, ուղեղում, որ նա որոշում է հայրենիքը, պետությունը, պատիվը ստորադասել նեղ անձնական շահին, այսպես կոչված կարիերային: Այս հարցին պատասխանելը գրեթե անհնար է, իսկ գուցե ընդհանրապես հնարավոր չէ:

Այս օրերին, տասնյակ հազարավոր ջավախեցիներ, որոնք ապրում են Հայաստանի տարբեր քաղաքներում եւ գյուղերում, լծվել են երկիրը ապիկար իշխանություններից փրկելու, չարից ազատելու գործին, բայց կան ջավախեցիներ, որոնք նույնիսկ 44-օրյա ողբերգական պատերազմից հետո, նույնիսկ Շուշին Ադրբեջանին նվիրելուց հետո, Սյունիքի լեռնագագաթները Ադրբեջանին հանձնելուց հետո առաջնորդվելով նեղ անձնական շահով կանգնել են կապիտուլյանտի կողքին:

Մի՞թե Կարեն Գիլոյանի գերագույն երազանքը Ճ կարգի պաշտոն ստանալն էր: Պարզվում է՝ այո: Մի՞թե Կարենը չտեսավ այն տոպրակները, այն պարկերը, որոնց մեջ լցված էին մեր հերոս տղերքի մարմինները եւ նետված ինչ-որ նկուղում: Ոչ, դա ադրբեջանցիները չէին արել, դա արել էին նրանք, ում կողքին կանգնած է Կարեն Գիլոյանը:

Անհնար է հասկանալ Շիրակ Թորոսյանին: Ո՞վ է նրան ստիպում հիմա լինել Քաղաքացիական պայմանագրի համամասնական ցուցակում: Գուցե նա ուժ գտնի, կանգնի եւ ասի՝ ինձ ստիպում են լինել այդ ցուցակում, իսկ մենք նրան օգնենք: Շիրակ Թորոսյանը լռում է: Նա նիկոլի գլխավորած ցուցակում է Քարվաճառը, Բերձորը, Տիգրանակերտը գրչի մեկ հարվածով թշնամուն նվիրելուց հետո: Ջավախեցիները, պատահական չէ, որ ասում են, թե այսպես հեշտությամբ էլ Շիրակ Թորոսյանը կհամաձայնի հայրենիքի տարբեր հատվածները, այդ թվում Ջավախքը թուրքին հանձնելու գործընթացին:

Մի ջավախեցի էլ՝ Արտուշ Գրիգորյան անուն ազգանունով, հանկարծ նիկոլական դարձավ, երբ Քաղաքաշինական կոմիտեում Ճ կարգի մի պաշտոն ստացավ: Ստացվում է, որ Կարենը, Արտուշը, Շիրակը, ոչ Ջավախքն է են սիրում, ոչր Հայաստանը: Ոչ, նրանք նիկոլին էլ չեն սիրում, նրանք իրենց աթոռն են սիրում եւ դրա դիմաց անում են ամենաստոր քայլերը, իսկ ավելի ստոր քայլ, քան այս օրերին լինել նիկոլի կողքին՝ դժվար է պատկերացնել:

Վստահ եմ, որ Կարեն Գիլոյանը, Շիրակ Թորոսյանը, Արտուշ Գրիգորյանը արդեն իսկ տեքստեր ունեն նախապատրաստած, որոնք հրապարակելու են, որոնքէ կարդալու են հունիսի 21-ին, եւ անգամ վստահ են, որ այս ամենից հետո, նոր իշխանությթուններն իրենց մեկական նոր պաշտոն կնվիրեն: Նրանք այն տեսակն են, որ ելել են շա;լակն աշխարհը: Ափսոսում եմ, որ մեր սիրուն Ջավախքում, արժանապատիվ մարդկանց Ջավախքում նաեւ նման տեսակ կա, բարեբախտաբար՝ շատ քիչ:

Արմինե Խեդոյան

Top-News.am