Պետրոսի «բորդելի» հյուրերը 2
Մոտ մեկ ամիս առաջ անդրադարձել էինք Հանրային հեռուստաալիքի Պետրոսի «բորդելին»: Երկրի համար այս ծանր, դժնդակ, գերկարեւոր օրերին Պետրոսն ո՞ւմ է հրավիրում եթեր, ո՞ւմ հետ է քննարկում երկրի ներկան եւ ապագան:
Արման Բաբաջանյան, Տիգրան Ուլիխանյան, Հայկ Կոնջորյան, Անդրանիկ Քոչարյան, Սամվել Բաբայան: Երբ մի քանի շաբաթ առաջ անդրադարձանք մեր՝ հարկատուներիս հաշվին գոյություն ունեցող Հանրայինի այս հաղորդմանը, վերջին հյուրերը վերոհիշյալներն էին:
Այս անգամ, երբ կրկին անդրադառնում ենք Պետրոսի հաղորդմանը, վերջին հյուրերի թվում են ԱԺ իմքայլական պատգամավոր Արմեն Խաչատրյանը, Արման Բաբաջանյանը, Սոցապ փոխնախարար Տաթեւիկ Ստեփանյանը, Արսեն Բաբայանը, Արման Թաթոյանը, Անդրանիկ Քոչարյանը:
Մարդու իրավունքների պաշտպան Արման Թաթոյանին Պետրոսը հրավիրել էր իր եւ իր տերերի համոզմամբ՝ վարկաբեկելու համար, բայց եղավ հակառակը: Արման Թաթոյանը հանրությանը Հանրայինի եթերում ցույց տվեց թե ով է Պետրոսն ու իր տերերը: Պետրոսը եւ նրա տերերը ձախողվեցին:
Արսեն Բաբայանին եւս հրավիրել էին ընդդիմության «պորտը տեղը դնելու համար», բայց կրկին ձախողվեցին:
Հիմա ուշադրություն դարձրեք մյուս հյուրերին: Արմեն Խաչատրյանին հրավիրել էին, որ Սյունիքի սահմաններում տիրող իրավիճակի վերաբերյալ հանրայինի եթերին հետեւողների ականջներից լապշա կախի, իսկ Տաթեւիկ Ստեփանյանը ՀՀ քաղաքացիներին համոզում էր, թե ինչ մեծ հոգատարության կենտրոնում են գտնվում պատերազմում վիրավորում ստացած մեր տղերքը: Եւ լսելով Տաթեւիկ Ստեփանյանին ու Պետրոսի տված հարցերը, մտածում էիր, թե այդ ո՞ր երկրի մասին են խոսում այս երկու անձնավորությունները:
Բայց ամենակարեւորն այս պատմության մեջ այն է, որ Պետրոսի հյուրերի մեջ կրկին տեսնում ենք Արման Բաբաջանյանին եւ Անդրանիկ Քոչարյանին: Միայն այս փաստը բավական է հասկանալու համար, թե ինչով են զբաղվում Հանրայինի տերերն ու Պետրոսը: Երեք շաբաթվա ընթացքում նույն մարդկանց նույն հաղորդմանը հրավիրում են առնվազն երկրորդ անգամ: Եւ այսքանից հետո մնում է Հանրայինի ղեկավարությանն առաջարկել ընդլայնել հաղորդումը վարողների ցանկը եւ Պետրոսի կողքին նստեցնել Անդոյին եւ Արմանին: Պատկերացնո՞ւմ եք միասին ինչ հարցեր կտան հաղորդման հյուրերին:
Մի հապաղեք, ձեր իշխանությանը եւ Պետրոսի հաղորդմանը քիչ է մնացել: Օգտվեք այս պահից, իրականություն դարձրեք մեր առաջարկը: Գուցե հասցնեք եւ հաղորդմանը հյուրընկալեք Մեհրիբան Ալիեւային, նրա ամուսնուն եւ Շեյխ ուլ Իսլամ Ալլաշյուքյուր Փաշազադե Հաջիին:
Կարծում ենք պարտության սիմվոլը, մոլագար մարդասպանը, Մեհրիբանին մուղամ լսելու հրավեր ուղղողն ու զենքերը ձուլելու ու դրանցից զարդեր պատրաստելու առաջարկների հեղինակներն անպայման կօգնեն Պետոյին եւ նրան կկցեն Անդո Քոչարյանին եւ Արման Բաբաջանյանին: Այսպես պատկերն ավելի ամբողջական կլինի: Այսպես արդեն կարող եք հաղորդման անունն էլ պաշտոնապես փոխել եւ դնել՝ «Պետրոսի բորդելում»:
Գիտեմ անիմաստ է սրանց ինչ-որ բան հասկացնելը, հուշելը, բայց այս օրերին Հանրայինը հարցազրույցի պետք է հրավիրեր ոչ թե մարդկանց անդադար խաբող եւ օտարների շահերը սպասարկողներին, այլ նրանց, ովքեր քաջածանոթ են Սյունիքին, իրականում գիտեն մարզի վիճակը, նաեւ նրանց, ովքեր պատրաստ են հանրությանը պատմել, թե ինչ է եղել Շուշիում, Լելե թեփեում, Իշխանաձորում, ինչպես նաեւ նրանց, ովքեր ոչ թե սոցապ նախարարությունում են նստած, այլ ամենօրյա չարչարանքով, աշխատանքով օգնում են վիրավորում ստացած տղերքին...
Գեղամ Նազարյան
Ճշմարտություն սերունդների համար
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...