Մենք պետք է զգոն լինենք, որպեսզի այդ քայլը չլինի փոխզիջում՝ խոշոր խաղացողների աշխարհաքաղաքական ծրագրերի մեջ՝ կրկին հայ ժողովրդի ռազմավարական շահերի հաշվին

Այսօր Հայոց ցեղասպանության զոհերի հիշատակի օրն է:

44-օրյա պատերազմում կրած պարտությունից հետո, դժվար է լավատես լինել: Տխուր է և ցավալի:

Բայց մենք պետք է շատ սթափ հասկանանք, որ, այսպես կոչված, Զանգեզուրի միջանցքի վերաբերյալ թյուրքական կոալիցիայի բոլոր ձգտւմները ցեղասպանությամբ սկսված իրենց անավարտ ծրագրերի ուղղակի շարունակությունն են:

ԳՈՎԱԶԴ01:00Իմանալ ավելին
Խորհրդանշական է, որ Նիկոլը հենց այսօր է փորձում կալանավորել Մեղրիի քաղաքապետին, ով ընդամենը հայրենի հողի վրա ապրելու արժանապատիվ և անվտանգ պայմաններ է ուզում։ Դեմ է թյուրքական կոալիցիայի ծրագրերին:

Եվ միայն մեր հայրենակիցների ջանքերի շնորհիվ ԱՄՆ Նախագահը կարող է այսօր հայի ոտնահարված արժանապատվությունը գոնե մասնակիորեն վերականգնելու հույս տալ։

Մենք պարզապես պետք է զգոն լինենք, որպեսզի այդ քայլը չլինի փոխզիջում՝ խոշոր խաղացողների աշխարհաքաղաքական ծրագրերի մեջ՝ կրկին հայ ժողովրդի ռազմավարական շահերի հաշվին:

Հիշում ենք և պահանջում:

Արմեն Գևորգյան
ՀՀ նախկին փոխվարչապետ