Դատավորները համատարած արձակուրդի դիմումներ են գրում

ArmDaily.am-ի տեղեկություններով՝ դատավորները համատարած արձակուրդ գնալու դիմումներ են գնում։ Պատճառը՝ ներքաղաքական լարված իրավիճակն է, սյունիքյան դեպքերը,իրավապահները զբաղված են վարչապետի այցը «փչացնողների» դեմ քրեական գործեր հարուցելով, նրանց ձերբակալելով։

Իսկ դա նշանակում է, որ առաջիկայում կալանքի սանկցիաների տարափ է լինելու, ԲԴԽ նախագահի ժամանակավոր պաշտոնակատար Գագիկ Ջհանգիրյանն ամեն ինչ անելու է, որ այդ միջնորդությունները բավարարվեն։

Հետեւաբար՝ հենց այս ժամանակահատվածում է որոշվելու՝ արդյոք պատերի տակ վնգստացող դատավորնե՞ր են, թե՞ հայրենիքին նվիրված ազնիվ պրոֆեսիոնալներ։
Թերեւս շատ դատավորներ, հասկանալով պահի լրջությունը, արձակուրդի գնալու դիմումներ են գրում։ Նշենք նաեւ, որ դատավորների շրջանում բազմաթիվ կովիդի դեպքեր կան, ԲԴԽ անդամ Մեսրոպ Մակյանն է covid-19ով վարակված, մեզ տեղեկություններ են հասել, որ Երեւան քաղաքօ ընդհանուր իրավասության դատարանի նախագահ Արթուր Մկրտչյանը եւս վարակվել է համավարկով։

Դատական դեպարտամենտի ղեկավար Կարեն Փոլադյանն ArmDaily.am-ի հետ զրույցում ասաց, որ այս պահին ոչ կորոնավիրուսով հիվանդ դատավորների, ոչ արձակուրդում գտնվող դատավորների թիվ չունի։

«Այդ տվյալներն հավաքագումը որոշակի ժամանակ է պահանջում։ Ես կփորձեմ հավաքագրել և տրամադրել, թե քանի հոգի է արձակուրդում գտնվում, բայց դա կլինի միայն վաղը»,-հավելեց Փոլադյանը։