Ռոբերտ Քոչարյանը 537 օր ապօրինի կերպով զրկված է եղել ազատությունից

Ռոբերտ Քոչարյանի պաշտոնական ֆեյսբուքյան էջում անդրադարձ է կատարվել Սահմանադրական դատարանի՝ ՀՀ Քրեական օրենսգրքի 300․1 հոդվածն անվավեր և հակասահմանադրականճանաչելու որոշմանը։

«Քիչ առաջ ՀՀ Սահմանադրական դատարանն անվավեր եւ հակասահմանադրական է ճանաչել ՀՀ քրեական օրենսգրքի 300․1 հոդվածը, որը Սահմանադրական կարգի ենթադրյալ տապալման գործի հիմքն էր։

Սահմանադրական դատարանը սահմանել է, որ 300․1 հոդվածը հակասում է Սահմանադրության 78 եւ 79-րդ հոդվածներին։ ՍԴ որոշումը վերջնական է եւ ուժի մեջ է մտնում հրապարակման պահից։

Ռոբերտ Քոչարյանի փաստաբանական թիմը, միջազգային հեղինակավոր կառույցներ այս գործի հակասահմանադրականության վերաբերյալ մասնագիտական կարծիք են հայտնել երկրորդ նախագահի ապօրինի կալանավորման առաջին իսկ օրից։

Այս հակասահմանադրական գործի պատճառով նախագահ Քոչարյանը 537 օր ապօրինի կերպով զրկված է եղել ազատությունից»։