Լենա Նազարյանի արկածները եւ Սահմանադրական դատարանը
Լենա Նազարյանը, որ պատահմամբ կամ բախտի բերմամբ դարձել է Հայաստանի խորհրդարանի նախագահի տեղակալ, շարունակում է իր տարօրինակ հայտարարություններով զարմացնել հանրությանը: Հիմա էլ նա իրեն թույլ է տվել մտքեր արտահայտել Սահմանադրական դատարանի վերաբերյալ:
Պատկերացնո՞ւմ եք, Լենա Նազարյանը համարում է, որ ՍԴ-ի հետ կապված իրավիճակը ճգնաժամային է: Եւ գիտեք ինչո՞ւ: Պարզապես ՍԴ անդամները եւ ՍԴ դատավորները տեղի չտվեցին «դուխով» վարչապետի ճնշումներին եւ հրաժարականների դիմումներ չներկայացրին եւ ՍԴ նախագահ չդարձավ նա, ով պետք է լիներ ըստ իմքայլականների:
Ամենահետաքրքիրն այն է, որ Ազգային ժողովի նախագահի տեղակալն իրեն թույլ է տալիս Սահմանադրական դատարանի եւ նրա նախագահի մասին հետեւություններ անել մի մարդու նամակից, այն էլ այն մարդու, որն իրեն ծիծաղելի եւ խղճուկ վիճակի մեջ դնելով հայտարարեց, թե ինքը ՍԴ նախագահն է:
Իսկ երբ խորհրդարանի փոխխոսնակն ասում է, թե ՍԴ ցանկացած որոշում՝անկախ նրանից՝ մենք համաձայն կլինենք, թե ոչ, անկախ նրանից՝ այն կբխի մեր սրտից, թե քաղաքական նպատակահարմարությունից, լեգիտիմություն չի ունենա, ապա հասկանում ենք, որ նրա ուղեղում դեռ հեղափոխություն է, որ նա դեռ չի գիտակցում, որ ամեն ինչ արդեն վերջացել է եւ նոր իրավիճակ է:
Իհարկե, Լենա Նազարյանն ասում է այն, ինչ ցանկանում է լսել Նիկոլ Փաշինյանը եւ այստեղ կարիք չկա կենտրոնանալ նրա անձի շուրջ: Պարզապես արձանագրենք, որ նա իր տեղում չէ: Առավելագույնը, որ նա պետք է աներ՝ հկ-ներից մեկում վիճակագրությամբ զբաղվելն էր եւ սեռական փոքրամասնությունների նկատմամբ բռնության դեպքերն արձանագրելն ու ուռճացնելը:
Աննա Բաղդասարյան
Top-News.am
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...
Երևանում մի քանի փողոցներում կփոխվի երթևեկության կազմակերպումը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար