Հարսնացուն մեկ տարվա ընթացքում 60 կգ նիհարել է՝ հարսանեկան լուսանկարներում լավ տեսք ունենալու համար (ֆոտո)

Մեծ Բրիտանիայից Ջենիֆեր Գինլին այնքան է մտահոգվել, որ 120 կգ քաշով վատ տեսք կունենա հարսանեկան լուսանկարներում: Փեսացուի հետ անցկացրած արձակուրդի ընթացքում արված լուսանկարները դիտելուց հետո 26-ամյա Ջենիֆերը որոշել է մինչեւ հարսանիք կարգի բերել արտաքինը:

Մեկ տարվա ընթացքում նրան հաջողվել է 61 կգ կորցնել, իսկ հագուստի չափսը 24-ից 8-ի հասցնել:

Այս ձեռքբերման շնորհիվ նա հայտնվել է Slimming World ամսագրի շապիկին եւ «Միսս նրբագեղություն 2017» կոչմանն արժանացել:

«Ես միշտ գիրուկ երեխա եմ եղել: Իրավիճակն ավելի վատացավ, երբ Մանչեսթերի համալսարան գնացի ու սկսեցի արագորեն քաշ հավաքել: Երբ ավարտում էի համալսարանը, 31 կգ-ով ավելի գեր էի»,- պատմել է աղջիկը:

Երկու տարի առաջ Ջենիֆերը որոշում է մոր եւ քրոջ հետ Քերբի քաղաքում միանալ Slimming World ամսագրի խմբին: Արտաքինում փոփոխությունը դրական է ազդել նաեւ նրա հոգեկան վիճակի վրա:

«Մինչ քաշ կորցնելը ես իմ հանդեպ հավատ չունեի: Ինձ թվում էր, որ բազմաթիվ տարիներ եմ կորցրել կեղծ ժպիտների համար, որոնց հետեւում թաքցնում էի այն, թե որքան դժբախտ եմ: Ընկերոջս՝ Լյուկի հետ արդեն 11 տարի միասին ենք, եւ ես մշտապես նրան համոզում էի՝ ինձ առաջարկություն չանել: Պարզապես նման չափսերով ինձ հարսնացուի դերում չէի պատկերացնում: Հիմա ինձ թիթեռնիկի պես եմ զգում, որը դուրս է եկել բոժոժից»,- պատմել է Ջենիֆերը:

news.am